30 lakh worth of liquor smuggled into Gujarat via Nandurbar नंदुरबारमार्गे गुजरातमध्ये चोरट्या मार्गाने जाणारे 30 लाखांचे मद्य पकडले
अवैधरीत्या मद्याची वाहतूक करणारे वाहन निघाले चोरीचे : कारवाईदरम्यान चालक व क्लिनर पसार
Maharashtra Police Seized Container Of Illegal Liquor Bound For Gujarat Big News नंदुरबार : महाराष्ट्रातून गुजरात राज्यात तस्करी होणारी 30 लाखाची विदेशी दारु पोलीसांनी पकडली आहे. एवढ्या मोठ्या प्रमाणावर दारूसाठा जप्त करण्यात आल्याने दारू तस्करीचा विषय पुन्हा चव्हाट्यावर आला आहे.
किनगावच्या महिलेस लॉटरीच्या आमिषाने चार लाखांचा गंडा
गोपनीय माहितीवरून कारवाई
गुजरात राज्यात दारुबंदी असल्याने महाराष्ट्राच्या सीमावर्ती भागात असलेल्या नंदुरबार जिल्ह्यातून मध्यप्रदेश, हरियाणा व गोवा राज्यातील दारुची गुजरात राज्यात तस्करी होत असल्याच्या तक्रारी पोलिस अधीक्षक पी.आर.पाटील यांना प्राप्त झाल्या होत्या.
या तक्रारीवरून त्यांनी जिल्हयातील सर्व प्रभारी अधिकारी तसेच स्थानिक गुन्हे शाखेला अवैध दारुची तस्करी करणार्या वाहनावर कारवाई करण्याचे आदेश दिले होते. शुक्रवार, 1 जुलै 2022 रोजी अधीक्षक पी.आर.पाटील यांना अशोक लेलॅन्ड कंपनीचा ट्रक हा साक्रीकडून गुजरात राज्यात अवैध दारू घेवून जाणार आहे अशी खबर मिळाली. त्यानुसार स्थानिक गुन्हे शाखेचे पोलिस निरीक्षक रविंद्र कळमकर यांच्यासह स्थानिक गुन्हे शाखेचे सपोनि संदीप पाटील, पोना दादाभाई मासुळ, पोना जितेंद्र ठाकुर, पोना जितेंद्र तोरवणे, पोना तुषार पाटील, पोकॉ राजेंद्र काटके, पोकॉ आनंदा मराठे हे कारवाई करण्यास रवाना झाले.
विसरवाडीजवळ सापळा यशस्वी
पथकाने विसरवाडी येथे जावून नागपूर-सुरत या राष्ट्रीय महामार्गवर असणार्या अ‍ॅपल हॉटेलजवळ सापळा लावला. त्यावेळी लाल रंगाचा अशोक लेलॅन्ड कंपनीचा ट्रक क्रमांक (जी.जे. 06 ए.झेङ 3560) हा साक्रीकडून येत असल्याचे गोपनीय सुत्रांनी सांगितले. या ट्रकला स्थानिक गुन्हे शाखेचे पोलीस निरीक्षक रविंद्र कळमकर यांनी अ‍ॅॅपल हॉटेलजवळ इशारा देवून थांबविण्याचा प्रयत्न केला. मात्र वाहन चालकाने काही अंतरावर वाहन उभे करून वाहन सोडून पळ काढला. पोलीस पथकाने संशयीत वाहनाची दोन पंचासमक्ष पाहणी केली असता त्यात बेकायदेशिर वाहतूक करीत असलेली दारु मिळून आली. दारुची पोलीसांनी मोजणी केली असता त्यात 3 लाख 60 हजार रुपये किंमतीचे रॉयल क्लासिको व्हिस्कीचे 750 एमएलच्या 60 खोके, 25 लाख 17 हजार 120 रुपये किंमतीच्या रॉयल ब्ल्यु व्हिस्कीचे 180 एमएलचे 518 खोके मिळून आले. 28 लाख 77,120 रुपये किमंतीची विदेशी दारू व 15 लाख रुपये किंमतीचा अशोक लेलॅन्ड कंपनीचा ट्रक असा एकूण 43 लाख 77 हजार 120 रुपये किंमतीचा मुद्देमाल पोलीसांना आढळून आला. हा मुद्देमाल पोलीसांनी कायदेशिर प्रक्रिया करुन जप्त केला. दारूची वाहतूक करणारे वाहन देखील चोरीचे असल्याचे आढळून आले आहे. याबाबत पोलिसांनी विसरवाडी पोलीस ठाण्यात अज्ञात इसमाविरुध्द गुन्हा दाखल करण्यात आला आहे.
कोंबडी पळाली…अन् तुटलेला पाय घेवून परतली ; वाद पोहोचला यावल पोलिस ठाण्यात ; जाणून घ्या नेमकी बातमी
