सात्री गावातील माजी सरपंचावर प्राणघातक हल्ला : सहा जणांविरोधात गुन्हा

Assassination of former Sarpanch of Satri village: Crime against six persons अमळनेर : सात्रीचे माजी सरपंच तथा भाजपचे कार्यकर्ते महेंद्र बोरसे यांच्यावर सहा जणांनी अचानक जीवघेणा हल्ला केल्याची घटना शनिवार, 2 रोजी रात्री साडे दहा वाजेच्या सुमारास चोपडा रस्त्यावरील बाबाजी का ढाब्यावर घडली. आरोपीनी त्यांच्या वाहनाचीही तोडफोड केली आहे.

फायटरने केली मारहाण
सात्री येथील महेंद्र बोरसे हे आपल्या मित्रांसोबत बाबाजी ढाब्यावर जेवण करीत असताना अचानक सुंदरपट्टी येथील सरपंच सुरेश अर्जुन पाटील, त्यांचा मुलगा उमाकांत पाटील, रीतेश अरुण बोरसे उर्फ टिनू (शिरूड नाका), जिजाबराव पाटील, न्हानू पाटील, मल्हारी पाटील त्याठिकाणी आले व सुरेश पाटील याने त्याच्या सोबत असलेल्या लोकांना सांगितले की हा महेंद्र बोरसे याठिकाणी असून मला कायम सर्व ठिकाणी नडतो याला जिवंत सोडू नका, कायमचा बंदोबस्त करा. त्याच बरोबर उमाकांत याने हातातील फायटरने उजव्या डोळ्यावर वार केला. तर टिनू बोरसे याने हातातील लोखंडी पाईपने डोक्यावर वार करण्याचा प्रयत्न केला तो महेंद्र याने हातावर झेलला तर जिजाबराव पाटील यानेही लोखंडी पाईप ने खांद्यावर मारहाण केली.