Amrita Fadnavis अमृता फडणवीसांनी सांगितले सत्ता स्थापणेपूर्वीचे गुपित : देवेंद्र रात्री वेशांतर करून घराबाहेर पडायचे
Amrita Fadnavis reveals secrets before coming to power: Devendra used to disguise himself at night and go out of the house मुंबई : राज्यातील सत्तांतर होण्यापूर्वी अनेक राजकीय घडामोडी घडल्या. त्यात उपमुख्यमंत्री देवेंद्र फडणवीस यांची भूमिका महत्वाची ठरली असून सत्ता स्थापन होण्यापूर्वी देवेंद्र रात्रीच्या वेळी वेशांतर करून घराबाहेर पडायचे. ते चष्मा व हुडी घालून जात असत. त्यामुळे बर्‍याचदा मलाही ते ओळखायला येत नव्हते. मी त्यांना ‘तुमचे काय सुरू आहे?’ असे विचारले तर ते कोणतेही उत्तर न देता काढता पाय घ्यायचे,’ असा गौप्यस्फोट अमृता फडणवीस (Amrita Fadnavis) यांनी केला आहे. एका खाजगी वृत्तवाहिनीशी अमृता फडणवीस यांनी संवाद साधताना ही कबुली दिली.
त्या कुटुंबियांविषयी सांगण्याची गरज नाही
ठाकरे कुटुंबीयांविषयी पूर्वीच खूप बोलल्यामुळे नवीन काही सांगण्यासारखे नाही, असे अमृता म्हणाल्या. ठाकरे कुटुंबीयांना आता काही सांगायची माझी इच्छा नाही. मला जे सांगायचे होते ते मी दोन अडीच वर्षांपूर्वी खूप काही सांगितले आहे. मी त्यांना फक्त एवढेच सांगेन की, ‘सक्षम लोक कायम टिकतात, प्रतिकूल परिस्थिती कायम राहत नाही,’ अशी टीकाही त्यांनी (Amrita Fadnavis) केली.
भाजपची सत्ता परत येणार, असे नेहमीच वाटायचे
अमृता (Amrita Fadnavis) म्हणाल्या, राज्याची स्थिती कोलमडणे, इगो राइट्स, लोकांची घरे तोडणे, हनुमान चालिसा, लोकांच्या समस्या, एसटी कर्मचारी असो की ओबीसी आरक्षण आदी विविध कारणे असो त्यामुळे मलाही भाजपची सत्ता परत येणार हे वाटतच होते. देवेंद्र मुख्यमंत्री म्हणून येतील असे सर्वांनाच वाटत होते, पण ते उपमुख्यमंत्री झाले. यावर अमृता म्हणाल्या की, मला थोडे आधीपासून समजले होते की, देवेंद्र मुख्यमंत्री होणार नाहीत. त्याशिवाय ते कोणतेही पद स्वीकारणार नाही हेही मला माहीत होते, असेही अमृता फडणवीस यांनी स्पष्ट केले.
रावेरातील शौचालय योजनेत कोट्यवधींचा भ्रष्टाचार : लेखार्‍यांधिकार्‍यांसह चौघे जाळ्यात
