Two-Wheeler Thieves Caught by MIDC police: Three Stolen two-Wheelers Seized जळगाव : एमआयडीसी पोलिसांनी दुचाकी चोरट्यांच्या मुसक्या आवळल्या असून त्यांच्या ताब्यातून तीन चोरीच्या दुचाकी जप्त केल्या आहेत. आरोपींकडून आणखी काही गुन्हे उघडकीस येण्याची शक्यता आहे. अभिषेक उर्फ निक्की नंदलाल मिश्रा (गांधी नगर) व शुभम सुनील पाटील (कन्हाळा रोड, घोडेपीरबाबाजवळ, भुसावळ) अशी अटकेतील आरोपींची नावे आहेत.
जिल्हा परीषद व पंचायत समिती आरक्षण सोडतीसाठी 13 जुलै रोजी विशेष सभा
एमआयडीसी पोलिसांची कारवाई
जळगाव शहरातील अजिंठा चौफुली परीसरात एमआयडीसी पोलिस ठाण्याचे कर्मचारी पेट्रोलिंग करीत असताना मिश्रा व पाटील विना क्रमांकाची दुचाकी घेवून संशयास्पदरीत्या फिरत असताना दोघांना पकडण्यात आले मात्र कागदपत्रे नसल्याने पथकाचा संशय बळावल्याने त्यांना ताब्यात घेण्यात आले व विचारपूस केल्याने आरोपींनी दुचाकी चोरीची कबुली देत अन्य दोन दुचाकी काढून दिल्या. आरोपींच्या ताब्यातील दुचाकी कृषी उत्पन्न बाजार समितीच्या आवारातून चोरी झाल्याचे उघड झाले आहे.
यांनी केली कारवाई
ही कारवाई एमआयडीसी पोलीस निरीक्षक प्रताप शिकारे यांच्या मार्गदर्शनाखाली सहाय्यक फौजदार आनंदसिंग पाटील, हवालदार मिलिंद सोनवणे, गणेश शिरसाळे, योगेश बारी, विकास सातदिवे, किशोर पाटील यांच्या पथकाने केली.
पॅरोल रजेवरील कैदी पसार : दोघांविरोधात यावल पोलिसात गुन्हा
