भुसावळसह यावल तालुक्यात बकरी ईद सण उत्साहात

भुसावळ : भुसावळसह यावल तालुक्यात बकरी ईद उत्साहात साजरी करण्यात आली. कोरोना ओसरल्यानंतर यंदा दोन वर्षानंतर प्रथमच सार्वजनिकरीत्या उत्सव साजरा करता येत असल्याने मुस्लीम बांधवांमध्ये प्रचंड आनंदाचे वातावरण होते. राज्यासह देशात शांतता नांदावी, हिंदू-मुस्लीम ऐक्य जपले जावे तसेच बळीराजाचे राज्य यावे, अशी प्रार्थना यावेळी नमाज अदा प्रसंगी करण्यात आली.

यावल तालुक्यात बकरी ईद उत्साहात
यावल : शहर व तालुक्यात बकरी ईद मोठ्या उत्साहात साजरी करण्यात आली. शहरातील चोपडा रस्त्यावर ईदगाह मैदानावर सामूहिक नमाज अदा करण्यात आली. रविवारी सकाळपासून पाऊस असल्याने शहरातील विविध प्रार्थना स्थळांमध्ये मुस्लिम बांधवांनी नमाज अदा केली. चोपडा रस्त्यावरील इदगाह मैदानावर मौलाना सैय्यद समीउल्ला कादरी यांच्या मार्गदर्शनाखाली सामुहिक नमाज अदा करण्यात आली. पोलिस निरीक्षक दिलीप भागवत, निवासी नायब तहसीलदार संतोष विनंते, सुयोग पाटील, काँग्रेसचे जिल्हा उपाध्यक्ष हाजी शब्बीर खान, इदगाह कमिटीचे अध्यक्ष शेख हबीब शेख नसीर, उपाध्यक्ष शेख करीम शेख रज्जाक, सचिव शेख असलम शेख नबी, सहसचिव रईस खान मुक्तार खान, खजिनदार हाजी हकीम शेख अलाउद्दीन, सदस्य हाजी गफ्फार शाह, हाजी फारुक शेख, शेख इमाम शेख लाल, युसूफ खान अमानुल्ला खान, शेख अल्ताफ शेख समद, शरीफ खान सरवर खान, माजी प्राचार्य रहिम रजा, अशपाक शाह, राष्ट्रवादीचे शेख सईद, मोहसीन खान, युवक काँग्रेसचे फैजान शाह सह आदींची उपस्थिती होती.