Anil Deshmukh’s bail rejected दिलासा नाहीच : माजी गृहमंत्री अनिल देशमुखांचा जामीन फेटाळला

 Former Home Minister Anil Deshmukh’s bail rejected मुंबई : 100 कोटींच्या कथित वसुलीप्रकरणी माजी गृहमंत्री अनिल देशमुख (Anil Deshmukh) यांना अटक करण्यात आली आहे. देशमुख (Anil Deshmukh) यांनी जामीन मिळण्यासाठी अर्ज केला असता विशेष सीबीआय न्यायालयाने सोमवारी फेटाळला. देशमुख यांच्यासह त्यांचे सहकारी संजीव पालांडे व कुंदन शिंदे यांचाही जामीन अर्ज विशेष न्यायालयाने फेटाळला आहे.

मुक्ताईनगरातील 25 वर्षीय तरुणाची आत्महत्या

नोव्हेंबरमध्ये दाखल होता गुन्हा
गृहमंत्रीपदाचा गैरवापर करून देशमुख यांनी भ्रष्टाचार केल्याचे आरोप मुंबईचे माजी पोलीस आयुक्त परमबीर सिंह यांनी केल्यानंतर सीबीआयने गुन्हा दाखल केला. त्यानंतर ईडीने देशमुख (Anil Deshmukh) यांना नोव्हेंबर 2021 मध्ये अटक केली. त्यानंतर सीबीआयने त्यांची कारागृहात जाऊन चौकशी केली. 2 जून रोजी सीबीआयने देशमुख व त्यांचे स्वीय सचिव संजीव पालांडे व स्वीय सहायक कुंदन शिंदे यांच्यावर 59 पानी आरोपपत्र दाखल केले. सीबीआयने दाखल केलेले आरोपपत्र अपूर्ण आहे. संपूर्ण कागदपत्रे त्यास जोडलेली नाहीत. कायद्यानुसार तपास यंत्रणेला दिलेल्या 60 दिवसांच्या कालावधीत सीबीआयने आरोपींवर पूर्ण आरोपपत्र दाखल केले नाही. त्यामुळे देशमुख कायद्यानुसार जामिनावर सुटण्यास पात्र आहेत, असे देशमुख यांच्या याचिकेत म्हटले आहे. पालांडे व शिंदे यांनीही याच कारणास्तव जामिनावर सुटका करण्याची मागणी न्यायालयाकडे केली होती.