Shrikant Deshmukh धक्कादायक : भाजपा नेत्याचा बेडरूममधील ‘त्या’ महिलेसोबतचा व्हिडिओ व्हायरल

जळगाव : सोलापूरचे भाजपचे जिल्हाध्यक्ष श्रीकांत देशमुख (Shrikant Deshmukh) यांचा एका पीडित महिलेसोबतचा बेडरूममधील व्हिडिओ व्हायरल झाल्यानंतर राज्याच्या राजकारणात एकच खळबळ उडाली आहे. या व्हायरल व्हिडिओमध्ये महिलेने देशमुख यांच्यावर गंभीर आरोप केले आहेत. देशमुख यांनी आपल्याशी संबंध ठेवून आता आपल्याला धोका दिल्याचं म्हटले आहे. दरम्यान, या प्रकारानंतर देशमुख यांनी जिल्हाध्यक्षपदाचा राजीनामा दिल्याने खळबळ उडाली आहे.देशमुख यांनी आपला राजीनामा प्रदेशाध्यक्षांकडे सुपूर्द केला आहे. मात्र, त्यामागे त्यांनी कोणतेही कारण दिलेले नाही. हा व्हिडिओ व्हायरल होण्याच्या काही दिवसांपूर्वी श्रीकांत देशमुख यांनी एका महिलेवर हनीट्रॅपचा गुन्हा दाखल केला होता. महिलेने ब्लॅकमेल करून दोन कोटी रुपयांची मागणी केल्याचे तक्रारीत म्हटले आहे.

बेडरूममधील व्हिडिओ व्हायरल
महिलेने स्वतः हा व्हिडिओ व्हायरल केला असून ती स्वतः बेडरूममध्ये व्हिडिओ बनवते. यामध्ये श्रीकांत देशमुख (Shrikant Deshmukh) हे बनियान परीधान केलेले दिसत आहे. श्रीकांत देशमुख यांच्याकडे बोट दाखवत महिलेने गंभीर आरोप केले. ती म्हणते की, याने मला फसवले आहे. हाच श्रीकांत देशमुख, बायकोनंतरही माझ्याशी संबंध ठेवत असल्याचे ती सांगत आहे. .28 सेकंदाचा हा व्हिडीओ आहे. पण व्हिडीओत दोन वेळा हे संभाषण दाखवण्यात आलं आहे. ही महिला रडत रडत तिच्यावरील अन्यायाची माहिती देत असताना देशमुख जागेवरून उठताना आणि या महिलेकडून कॅमेरा हिसकावून घेताना दिसत आहेत. त्यामुळे कॅमेरा हलला आहे. या दोघांमध्ये शाब्दिक चकमक उडालेली दिसत आहे.