आषाढी देव दर्शनानंतर संत दर्शनासाठी भाविकांची मांदियाळी !

After Darshan of Ashadhi God, devotees gather for Saint Darshan! मुक्ताईनगर : आषाढी कामिका एकादशीला आदिशक्ती संत मुक्ताबाईच्या दर्शनासाठी लाखो वारकरी शेकडो पायी दिंड्यानी श्री क्षेत्र मुक्ताईनगर व कोथळीस्थित नवीन व जुन्या मंदिरात टाळ मृदंगाच्या गजरात रविवारी हजेरी लावली. आषाढी एकादशीला पंढरपूरात पांडुरंगाचे दर्शन घेतल्यानंतर वारकरी घराकडे परतल्यानंतर आपापल्या परीसरातील संत दर्शन घेण्याची परंपरा आहे. या परंपरेनुसार खान्देश, विदर्भ व मध्यप्रदेशातील लाखो भाविकांनी रविवारी तीर्थक्षेत्र मुक्ताईनगर येथे येवून आदिशक्ती संत मुक्ताई दर्शन घेतले. यावेळी शहरातील रस्त्यावर व मंदिर परिसरात दिंडी सोहळ्याच्या पवित्र टाळ, मृदुंग व नाम घोषाने भक्तिमय वातावरण निर्माण झाले होते.

धन्य आजी दिन संत दर्शनाचा । आनंत जन्मीचा क्षीण गेला ॥1॥
मज वाटे त्यासी आलिंगन द्यावे । कदा न सोडावे चरण त्यांचे ॥2॥
जो करील याची यात्रा । तो तारील सकळ गोत्रा ॥
सकळही कुळ पवित्रा । याचिया दर्शने होती ॥