Tourists Prohibited From Coming to Nimbadevi Dam : Dam Restricted Area Declared निंबादेवी धरणावर पर्यटकांना येण्यास मनाई : धरण प्रतिबंधीत क्षेत्र घोषीत

Tourists Prohibited From Coming to Nimbadevi Dam : Dam Restricted Area Declared यावल : तालुक्यातील चुंचाळे जवळील निंबादेवी धरण हे प्रशासना कडुन प्रतिबंधीत क्षेत्र घोषीत करण्यात आले आहे. या धरणावर रविवारी मोठी गर्दी झाल्यानंतर प्रशासनावर टिकेची झोड उठली होती. सध्या पाऊस सुरू असल्याने सतर्कता म्हणून धरण परीसरात पर्यटकांना प्रवेश बंद करीत पोलिस बंदोबस्त लावण्यात आला आहे.

तहसील कार्यालयाच्या बैठकीत निर्णय
सातपुड्याच्या पायथ्याशी चुंचाळेजवळ निंबादेवी धरण असून सध्या हे धरण पूर्ण क्षमतेने भरल्याने सांडव्यावरून वाहणारे पाणी व निसर्गरम्य परीसराचा आनंद लुटण्यासाठी पर्यटक मोठ्या प्रमाणावर येत होते शिवाय वाहत्या पाण्यात अंघोळीसाठी रविवारी येथे प्रचंड मोठ्या प्रमाणात गर्दी झाली. सातपुड्याच्या वनक्षेत्रात पाऊस सुरू असल्याने या धरणात मोठ्या प्रमाणावर पाणी साचून सांडव्याद्वारे प्रचंड मोठ्या वेगात पाणी वाहत असल्याने कुठलीही दुर्घटना घडू नये यासाठी दक्षता म्हणून प्रशासनाच्या वतीने धरण क्षेत्र हे प्रतिबंधात्मक क्षेत्र जाहीर करण्यात आले. या संदर्भातील बैठक सोमवारी येथील तहसील कार्यालयात घेण्यात आली.