अकलूद-कासवा गावातील अतिक्रमण नियमित करण्यासाठी रीपाइंचा मोर्चा

फैजपूर : यावल तालुक्यातील अकलूद-कासवा गावातील अतिक्रमण नियमित करण्याच्या मागणीसाठी रीपाइंचे जिल्हाध्यक्ष राजू सुर्यवंशी व रीपाइं अल्पसंख्यांक जिल्हाध्यक्ष ईश्वर इंगळे यांच्या नेतृत्वाखाली फैजपूरात मोर्चा काढण्यात आला. फैजपूर शहरातील सुभाष चौक येथून ते प्रांत कार्यालयावर धडक मोर्चा निघाला.

गायरान जमीन दिली कशी ?
अकलूद, ता.यावल येथील सरकारी गट नंबर 68 वरील एकूण क्षेत्रफळ 2 आर.जमीन अर्चना नरेंद्र महाजन (भुसावळ) यांच्या नावावर शेती उत्पादनासाठी देण्यात आली आहे परंतु ही जमीन गायरान असून खडकाळ आहे. या जमिनीवर कुठलेही पीक घेतले जावू शकत नाही व शेतीही करता येणार नाही. अकलूद येथील रमाई आंबेडकर नगरात झोपडपट्टीत रहिवासी गेल्या 50 अतिक्रमणात राहत आहेत. शासनाने अद्याप त्यांचा पुनर्वसनाचा विचार केला नसल्याने त्याबाबत दखल घ्यावी, अशी मागणी करण्यात आली.