Two-wheeler thieves caught in the crime branch’s net गुन्हे शाखेच्या जाळ्यात अडकले दुचाकी चोरटे

Two-wheeler thieves caught in the crime branch’s net जळगाव : दुचाकी चोरट्यांच्या जळगाव गुन्हे शाखेने मंगळवारी मुसक्या आवळल्या. आरोपींनी जळगाव तालुक्यातील आव्हाने येथे शेताच्या बांधावरून दुचाकी लांबवली होती. दीपक भास्कर सपकाळे व राजू बुधो सपकाळे (दोन्ही रा.धामणगाव, ता.जळगाव) अशी अटकेतील संशयीतांची नावे आहेत.

शेताच्या बांधावरून लांबवली दुचाकी
जळगाव तालुक्यातील आव्हाने येथे अरुण देवराम चौधरी (49) हे वास्तव्यास आहेत. ममुराबाद रोडवर आव्हाने शिवारात त्यांची शेती आहे. अरुण चौधरी हे 1 नोव्हेंबर 2021 रोजी शेतात त्यांच्या भावाची एम एच 19 ए. आर 44 77 ही दुचाकी घेऊन गेले होते. शेताच्या बांधावर उभी केलेली दुचाकी दोन जणांनी चोरून नेली होती. सर्वत्र शोध घेऊनही दुचाकी मिळून आल्याने अरुण चौधरी यांनी दिलेल्या तक्रारीवरून तालुका पोलीस ठाण्यात गुन्हा दाखल करण्यात आला होता.