Ganja Plants Worth 15 lakh Seized : Dhule Crime Branch’s Action Stirs Excitement शिरपूर : धुळे स्थानिक गुन्हे शाखेने एकाच दिवसात गांजा शेतीवर दोन धडक कारवाई करीत 14 लाख 42 हजार 800 रुपयांचा 722 किलो गांजाची ओले झाडे जप्त करीत दोघांविरुद्ध गुन्हा दाखल केल्याने गांजा उत्पादकांमध्ये खळबळ उडाली आहे.
गोपनीय माहितीवरून कारवाई
धुळे स्थानिक गुन्हे शाखेचे पोलिस निरीक्षक हेमंत पाटील यांना मिळालेल्या गोपनीय माहितीवरून शिरपूर तालुक्यातील लाकड्या हनुमान शिवारात 31 ऑक्टोंबर रोजी शिरपूर तालुका पोलीस आणि धुळे गुन्हे शाखेच्या संयुक्त पथकाने संशयीत मोहन शामा पावरा आणि भावसिंग भोंग्या पावरा (लाकड्या हनुमान, ता.शिरपूर) यांच्या शेतावर केली. या कारवाईत शेतात कापूस तूर मका पिकात प्रतिबंधीत असलेला मानवी मेंदुवर विपरीत परिणाम करणारा गांजा सदृश्य अंमली पदार्थाच्या 3 ते 6 फूट उंचीच्या झाडांची बेकायदेशीर लागवड केलेली आढळून आल्याने पथकाने दोन्ही शेतातून 14 लाख, 42 हजार 800 रुपये किमतीची 7 क्विंटल 22 किलो गांजाची झाडे उपटून जप्त केले.दरम्यान कारवाईची चाहूल लागल्याने दोघे संशयीत पसार झाले. महेंद्र सपकाळ यांनी तालुका पोलीस ठाण्यात तक्रार दिल्यानंतर मोहन शामा पावरा आणि भावसिंग भोंग्या पावरा यांच्या विरोधात गुन्हा दाखल करण्यात आला.
यांनी केली कारवाई
ही कारवाई धुळे जिल्हा पोलिस अधीक्षक संजय बारकुंड, अपर पोलीस अधीक्षक प्रशांत बच्छाव यांच्या मार्गदर्शनाखाली धुळे एलसीबीचे पोलीस निरीक्षक हेमंत पाटील, सांगवी पोलीस ठाण्याचे एपीआय सुरेश शिरसाठ, स्थानिक गुन्हे शाखेचे पीएसआय बाळासाहेब सूर्यवंशी, सांगवी पोलीस ठाण्याचे पीएसआय संदीप पाटील, हवालदार संदीप सरग, प्रकाश सोनार, योगेश जगताप, महेंद्र सपकाळ, राहुल गिरी, किशोर पाटील, चालक हेमंत मिस्तरी तसेच शिरपूर तालुका पोलिस ठाण्याचे हवालदार गंगाराम सोनवणे, अनिल चौधरी, पवन गवळी, उदयसिंग पवार, सागर ठाकुर, आरीफ पठाण, प्रकाश भिल, मुकेश पावरा, भगवान गायकवाड, रणजीत वळवी व चालक हवालदार सईद शेख, मनोज पाटील आदींच्या पथकाने केली.
