Cine actor Gaurav More सादरीकरणावेळी पडलेल्या टाळ्या म्हणजेच पारीतोषिक

युवारंगमुळे हक्काचे व्यासपीठावर : प्रदीप पवार
प्रदीप पवार म्हणाले की, चारीत्र्य संवर्धन जपणे महत्त्वाचे असते. अशा महोत्सवातून खान्देशातील तरुणांना हक्काचे व्यासपीठ उपलब्ध होत असल्याच मनस्वी समाधान आहे. माजी खासदार डॉ.उल्हास पाटील म्हणाले की, इतर कलावंतांकडून प्रेरणा घेतली तर यश नक्की मिळेल. पुढील युवारंगची जबाबदारी विद्यापीठाने आमच्या संस्थेकडे दिल्यास चांगले आयोजन करू, असेही ते म्हणाले. कार्याध्यक्ष राजेंद्र नन्नवरे म्हणाले की, या महोत्सवात विद्यार्थ्यांचा उत्साह आणि जोश पाहून नियोजन करण्यात आनंद प्राप्त झाला, विद्यार्थीभिमुख उपक्रम राबविण्यात विद्यापीठ नेहमीच अग्रेसर राहिल, अशी ग्वाही त्यांनी दिली.

माणुस म्हणूनही मोठे व्हा : प्रा.एस.टी.इंगळे
प्र-कुलगुरू प्रा.एस.टी.इंगळे म्हणाले की, केवळ कलावंत म्हणून मोठे न होता त्यासोबत माणूस म्हणूनदेखील मोठे व्हा. यशाची हवा डोक्यात जाऊ देऊ नका. आपल्यातील उणिवा शोधून त्या दूर करण्याचा प्रयत्न करा. प्रा.सुधाकर चौधरी यांनी मोठ्यांचा आदर करणे ही आपली संस्कृती असून तीचा विसर पडू देऊ नका. यश तुमच्या मागे येईल, असे मत व्यक्त केले. धनंजय चौधरी यांनी स्पर्धा जिंकण्यासाठी असतात तसेच आठवणी जपण्यसाठी देखील असतात. त्यामुळे प्रत्येक स्पर्धेत सहभाग महत्त्वाचा असतो असे मनोगत व्यक्त केले.

यांचा झाला सन्मान
प्रारंभी कुलसचिव डॉ.विनोद पाटील यांनी सिलबंद पाकीटातून प्र-कुलगुरुंकडे निकाल सुपूर्द केला. यावेळी सहभागी विद्यार्थ्यांकडून अमोल पाटील, संघ व्यवस्थापकांपैकी प्रा.हरेश चौधरी, प्रा.विजय पालवे, डॉ.नंदा वसावे यांनी मनोगत व्यक्त केले. प्राचार्य पी.आर.चौधरी, प्रा.एस.व्ही.जाधव, प्रा. राकेश तळेले, शेखर महाजन, तुषार फिरके यांचा सन्मान करण्यात आला. सूत्रसंचालन डॉ.राजेंद्र राजपूत व डॉ.राजश्री नेमाडे यांनी केले. प्राचार्य डॉ.पी.आर.चौधरी यांनी आभार मानले.