In the Yuvarang Mahotsav, the youth danced to ‘Hai Jhumka Wali Porvar’ फैजपूर : महाराष्ट्राची हास्यजत्रा या कार्यक्रमामुळे मराठी माणसांच्या गळ्यातील ताईत झालेला गौरव मोरे याची युवारंग महोत्सवात विशेष उपस्थिती तरुणाईसाठी मोठे आकर्षण होती. गौरवचे व्यासपीठावर आगमन होताच तरुणाईने मोठा जल्लोष केला. आपल्या भाषणातून तरूणाईच्या भाषेत संवाद साधतांना त्याने हाई झुमका वाली पोरं !’ हे खान्देशी सुपरहिट गाणे सादर करताच उपस्थित तरुणाईनेही जागीच उभे राहून जल्लोष केला.
पुन्हा भेटूया म्हणत घेतला निरोप
गेल्या चार दिवसांपासून सुरू असलेल्या युवारंग महोत्सवात खान्देशातील तीनही जिल्ह्यातील महाविद्यालयांचे विद्यार्थी सहभागी होते. रविवारी स्पर्धेचा अखेरचा दिवस असल्याने रात्री उशिरापर्यंत तरुणाईने जल्लोष केला तर गेल्या चार दिवसात तरुणाईने विविध महाविद्यालयाच्या मित्र-मैत्रिणींशी ओळख परीचय वाढवत मैत्रीदेखील केली व सोमवारी एकमेकांना पुन्हा भेटूया म्हणत आसवांना मोकळी वाट करून देत निरोपही दिला.
