काय सांगता ! जळगावातून अरुण गवळीने केले पलायन

जळगाव :  बलात्काराच्या गुन्ह्यातील जामिनावरील संशयीताला कोरोना काळात जामिनावर सोडण्यात आल्यानंतर त्यास ताब्यात घेवून न्यायालयात आणल्यानंतर संशयीताने लघूशंकेचा बहाण करीत पोलिसांच्या हातावर तुरी देवून पळ काढल्याने शहरात खळबळ उडाली. सोमवार, 20 फेब्रुवारी रोजी सायंकाळी पावणे पाच वाजेच्या सुमारास ही घटना घडली. अरुण भगवान गवळी (22, रा.गुम्मी, ता.जि.बुलढाणा) असे पळालेल्या संशयीताचे नाव असून त्याच्याविरोधात जळगाव शहर पोलिसात गुन्हा दाखल करण्यात आला.

लघूशंकेच्या बहाणयाने काढला पळ
पाचोरा पोलिसात बाल लौंगिक अत्याचाराचा गुन्हा दाखल असून त्यात अरुण भगवान गवळी (रा.गुम्मी, ता.जि.बुलढाणा) याला पोलिसांनी अटक केली होती. कोरोना काळापासून तो जामिनावर बाहेर असल्याने सोमवारी त्याला ताब्यात घेत पोलीस जिल्हा न्यायालयासमोर हजर करण्यात येणार होते. पोलिस हवालदार विजय पाटील हे त्याला हजर करण्याकामी सोमवारी जिल्हा न्यायालयात घेऊन आले असता दुपारी 4.45 च्या सुमारास अरुण गवळी याने लघुशंकेचा बहाणा केला व पोलिसांची नजर चुकवून अरुण गवळी याने पळ काढला. या प्रकरणी शहर पोलिसात विजय पाटील यांच्या फिर्यादीवरून गुन्हा दाखल करण्यात आला. तपास पोलिस नाईक सचिन वाघ करीत आहेत.