Amrita Fadnavis अमृता फडणवीस यांना एक कोटींची लॉच ऑफर करणार्‍या अनिक्षाला अखेर अटक
Aniksha, who offered a loach of Rs 1 crore to Amrita Fadnavis, was finally arrested मुंबई : भाजप नेते आणि महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीस (Amrita Fadnavis) यांना एक कोटींची लाच देण्याच्या प्रयत्न झाल्यानंतर राज्यात खळबळ उडाली असतानाच आता या प्रकरणातील संशयीत महिला डिझायनर अनिक्षासह तिचा भाऊ अक्षन जयसिंघानी यांना ताब्यात घेतले आहे.
कोण आहे अनिक्षा?
अनिक्षा ही बुकी अनिल जयसिंघानी यांची मुलगी आहे. अनिक्षावर महाराष्ट्र, गोवा आणि आसाममध्ये सरकारी अधिकार्‍यांना धमकावणे आणि फसवणूक केल्याप्रकरणी यापूर्वीही अनेक गुन्हे दाखल आहेत. अनिक्षा ही कायद्याची पदवीधर आहे. ती उल्हासनगरची रहिवासी असून, स्वतःला डिझायनर म्हणवणारी अनिक्षा बर्‍याच दिवसांपासून अमृता फडणवीस यांच्या संपर्कात आहे.
असे आहे नेमके प्रकरण
2021 मध्ये अनिक्षाला भेटल्याचे अमृता फडणवीस यांनी तक्रारीत म्हटले आहे. अनिक्षाने अमृता यांना सांगितले होते की तिला आई नाही. तिने स्वतःची डिझायनर म्हणून ओळख करुन दिली होती. तिने अमृता यांना सार्वजनिक कार्यक्रमात आपले कपडे आणि दागिने घालायला सांगितले. अमृता यांनी अनिक्षाला होकार दिला. अनिक्षा आणि तिच्या वडिलांनी आपल्याला धमकावून आपल्याविरोधात कट रचल्याचा आरोप अमृता फडणवीस यांनी केला आहे. पोलिसांनी अनिक्षा आणि तिच्या वडिलांविरुद्ध आयपीसीच्या कलम 120-बी (षड्यंत्र) आणि भ्रष्टाचार प्रतिबंधक कायदा, 1988 च्या संबंधित कलमांतर्गत गुन्हा दाखल केला आहे. अमृता यांनी मलबार हिल स्टेशनवर 20 फेब्रुवारी रोजी हा एफआयआर दाखल केला होता.
देवेंद्र फडणवीसांनी विधानसभेत माहिती दिली
महाराष्ट्र विधानसभेतही विरोधकांनी हा मुद्दा उपस्थित केल्यानंतर देवेंद्र फडणवीस यांनी उत्तर दिले. पत्नीला लाच देण्याचा आणि ब्लॅकमेल करण्याचा प्रयत्न केल्याप्रकरणी गुन्हा दाखल करण्यात आल्याचे देवेंद्र फडणवीस यांनी सांगितले. डिझायनरने अमृताला धमकी दिली होती की, तिच्या फरार वडिलांवरील खटले मागे न घेतल्यास ती अमृताला अडचणीत आणेल, अशीही माहिती फडणवीस यांनी दिली तसेच याबाबत योग्य ती चौकशी केली जाईल, असेही ते म्हणाले.
गुन्हा दाखल होताच कारवाई
विविध गुन्हात फरार असलेला माजी नगरसेवक अनिल जयसिंघानी यांच्यावरील गुन्हे व आरोप मागे घेण्यासाठी जयसिंघानी यांची मुलगी अनिष्का हिबे थेट उपमुख्यमंत्री व गृहमंत्री देवेंद्र फडणवीस यांच्या पत्नी अमृता फडणवीस यांना ब्लॅकमेलिंग केल्याचा प्रकार उघड झाल्याने मलबारहिल येथील पोलीस ठाण्यात गुन्हा दाखल होताच गुरुवारी दुपारी पोलिसांनी तीला अटक केली. यापूर्वीही राष्ट्रपती, सर्वाच्च न्यायालयाचे न्यायाधिश आदींना गुजरात मधून समन्स पाठविणाराही उल्हासनगरचा असल्याचे उघड झाले होते. उल्हासनगर येथील माजी नागरसेवक व क्रिकेट बुक्की अनिल जयसिंगानी हे विविध गुन्हे प्रकरणी फरार आहेत. त्यांच्या अनिष्का नावाच्या मुलीने राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांना ब्लॅकमेलिंग करून एक कोटींची ऑफर देत वडीलावरील गुन्हे मागे घेण्याचा दबाव टाकला. आपल्यासह पती उपमुख्यमंत्री देवेंद्र फडणवीस यांना अडकविण्याचा प्रकार असल्याचे लक्षात आल्यावर, अमृता फडणवीस यांच्या तक्रारीवरून मुंबई येथील मलबार हिल येथील पोलीस ठाण्यात अनिष्का जयसिंगांनी हिच्या विरोधात गुन्हा दाखल करण्यात आला.
