जळगावात वृद्धाला मारहाण करीत मोबाईल चोरी : चोरीच्या 15 मोबाईलसह झारखंड राज्यातील टोळी पोलिसांच्या जाळ्यात

Mobile theft by beating old man in Jalgaon: Gang in Jharkhand state with 15 stolen mobile phones in police net जळगाव : बाजारातील गर्दी पाहून तसेच वयोवृद्धांना एकांतात गाठून मोबाईल अलगदरीत्या लांबवणार्‍या झारखंड राज्यातील टोळीच्या रामानंद नगर पोलिसांनी मुसक्या बांधल्या आहेत. संशयित आरोपींकडून चोरीचे 15 मोबाईल जप्त करण्यात आले. तुफान रघू रीखीयासन (30, पुरानाभट्टागाव) व बारीश अर्जुन महतो (35, रा.महाराजपुर नया टोला कल्याणी, जि.साहेबगंज झारखंड) यांना अकोला येथून अटक करण्यात आली तर तीन अल्पवयीन मुलांनाही ताब्यात घेण्यात आले.

गुन्हे उघडकीस येण्याची शक्यता
शहरातील दादावाडीतील वृद्ध मोबाईल दुरुस्त करण्यासाठी सोमाणी मार्केटमध्ये जात असताना आठवडे बाजारपट्ट्यात अनोळखी चार इसमांनी वृद्धाचा रस्ता अडवत त्यांना मारहाण करीत त्यांच्या खिशातून मोबाईल हिसकावला होता. यावेळी वयोवृद्धाने आरडाओरड केल्यामुळे परिीरातील नागरीकांनी मोबाईल हिसकाविणार्‍या तिघांना पकडून ठेवले होते तर त्यांचा एक साथीदार पसार झाला होता. याप्रकरणी रामानंदनगर पोलिसात गुन्हा दाखल करण्यात आला होता. ताब्यात घेतलेल्या तिघांची कसून चौकशी केली असता त्यांनी पळून गेलेला साथीदार अकोला येथे गेल्याची माहिती दिली.