दानापूर-पुणे एक्स्प्रेसमधील चिमुकल्यांचे तस्करी प्रकरण : पथक आज तपासार्थ बिहारात जाणार !

Smuggling case of toddlers in Danapur-Pune Express : The team will go to Bihar for investigation today! भुसावळ : दानापूर-पुणे एक्स्प्रेसमधून अल्पवयीन मुलांची तस्करी केली जात असल्याची तक्रार आल्यानंतर रेल्वे सुरक्षा यंत्रणांनी भुसावळात 29 तर मनमाड रेल्वे स्थानकावर 30 बालकांची बुधवारी सुटका केली होती. अटकेतील पाच संशयितांनी सांगलीतील मदरसा येथे शिक्षण घेण्यासाठी अल्पवयीनांना नेत असल्याची माहिती दिली असलीतरी प्रत्यक्षात मुलांच्या पालकाचे कुठलेही संमतीपत्र नसल्याने भादंवि 370 अन्वये ह्यूमन ट्रॅफिकींगच्या कलमलावून गुन्हा दाखल करण्यात आला होता. लोहमार्ग पोलिसांचे पथक आता शुक्रवारी बिहारच्या पूर्णिया जिल्ह्यात बालकांच्या पालकांची भेट घेवून या प्रकाराविषयी चौकशी करणार असल्याची माहिती पोलीस निरीक्षक विजय घेर्डे यांनी दिली.

बालहक्क आयोगाकडून कारवाईची दखल
महाराष्ट्र राज्य बालहक्क आयोगाचे सदस्य तसेच जळगाव बालकल्याण समितीने पोलिसांच्या तस्करीबाबतच्या कारवाईची दखल घेतली. गुरुवारी या समितीच्या दोन सदस्यांसह अन्य चौघांनी पोलीस निरीक्षक घेर्डे यांची भेट घेत घडलेला प्रकार जाणून घेतला तसेच अटकेतील मौलाना मोहंमद आतझर आलम (34, रा.डुंबा, जौकीया, बिहार) याचीदेखील अधिकार्‍यांमार्फत सविस्तर माहिती जाणून घेतली.