45 हजारांची लाच भोवली : नवापूर हायस्कूलचा वरीष्ठ लिपिक नंदुरबार एसीबीच्या जाळ्यात
45 thousand bribe: Navapur High School Senior Clerk Nandurbar in ACB’s net नंदुरबार : रजा रोखीकरणाची रक्कम काढून दिल्याच्या मोबदल्यात 45 हजारांची लाच मागून ती स्वीकारताना दि एन.डी.अॅण्ड एम.वाय.सार्वजनिक हायस्कूलच्या वरीष्ठ लिपिकाला नंदुरबार एसीबीच्या पथकाने बुधवारी रात्री 10 वाजेच्या सुमारास रंगेहाथ अटक केली. विनोद साकरलाल पंचोली (50, गुजर गल्ली, नवापूर) असे अटकेतील आरोपीचे नाव आहे.
असे आहे लाचेचे प्रकरण
नवापूर येथील 57 वर्षीय तक्रारदार यांनी नुकतीच स्वेच्छानिवृत्ती घेतली असून त्यांच्या रजा रोखीकरणाची रक्कम वरीष्ठ लिपिक विनोद पंचोली यांनी दिलेल्या धनादेशाद्वारे तक्रारदाराच्या बँक खात्यात नुकतीच जमा झाली मात्र हे काम करून देण्याच्या मोबदल्यात आरोपी विनोद पंचोली याने मंगळवार, 20 जून रोजी 45 हजारांची लाच मागितल्याने तक्रार एसीबीकडे नोंदवण्यात आली व सापळा रचण्यात आला. बुधवारी रात्री दहा वाजता आरोपीने आपल्या नवापूरातील गुजर गल्लीतील राहत्या घरातच तक्रारदाराकडून लाच स्वीकारताच त्यास अटक करण्यात आली. या कारवाईने शैक्षणिक वर्तुळातील लाचखोरांमध्ये प्रचंड खळबळ उडाली.आरोपीविरोधात नवापूर पोलिसात गुन्हा दाखल करण्यात आला.
