दिल्लीत ‘आप’ लोकसभेसाठी सर्व जागांवर लढणार : ‘आप’चे नेते संदीप पाठक यांची माहिती

‘AAP’ will contest all seats for Lok Sabha in Delhi: Information of ‘AAP’ leader Sandeep Pathak नवी दिल्ली : अरविंद केजरीवाल यांच्या आम आदमी पार्टीने दिल्लीतील लोकसभेच्या सर्व सात जागा लढणार असल्याचे जाहीर केले आहे. ‘आप’चे महासचिव संदीप पाठक यांनी याबाबत माहिती दिली आहे. निवडणूक प्रचारादरम्यान आम्ही आमचा मुद्दा लोकांसमोर ठेवणार असून केंद्राचा अध्यादेश तुमच्या विरोधात असल्याचे सांगणार आहोत.

तर कोणत्याही बैठकीत सहभाग नाही
पीटीआय या वृत्तसंस्थेने दिलेल्या माहितीनुसार, ‘आप’चे नेते संदीप पाठक यांनी दिल्ली आणि हरयाणाच्या नेत्यांची भेट घेतल्यानंतर सांगितले की, भाजपच्या विरोधात विरोधकांनी एक होण्याची गरज आहे, परंतु ते काँग्रेसच्या धोरणांवरून दिसत नाही. खरं तर पाटणा येथील विरोधी पक्षांच्या बैठकीनंतर ‘आप’ने एक निवेदन जारी केले होते. जर काँग्रेसने दिल्ली अध्यादेशाबाबत आपली भूमिका स्पष्ट केली नाही, तर आम्ही कोणत्याही बैठकीत सहभागी होणार नाही, ज्यामध्ये काँग्रेसचा सहभाग असेल, असे ‘आप’ने म्हटले होते.