ACB Trap In Nandurbar Panchayat Samiti सात हजारांची लाच भोवली : नंदुरबार पंचायत समितीचे दोघे लाचखोर कनिष्ठ सहाय्यक एसीबीच्या जाळ्यात
Bribe of 7000: Two bribe-taking junior assistants of Nandurbar Panchayat Samiti in ACB’s net नंदुरबार : सातव्या वेतन आयोगाचे बिल काढून देण्यासाठी सात हजारांची लाच मागून तीन स्वीकारताना नंदुरबार पंचायत समितीच्या दोघा लाचखोर कनिष्ठ सहाय्यकांना नंदुरबार एसीबीने मंगळवारी सायंकाळी लाच स्वीकारताच अटक केली. दादाभाई फुला पानपाटील (54) व सुखदेव भुरसिंग वाघ (43) अशी अटकेतील लाचखोरांची नावे आहेत. दोघे लाचखोर नंदुरबार पंचायत समितीत ग्रामपंचायत विभागात कार्यरत आहेत.
असे आहे लाच प्रकरण
38 वर्षीय तक्रारदार हे स्वतः लोकसेवक आहेत. त्यांची सातारा ते नंदुरबार अशी आंतरजिल्हा बदली झाल्यानंतर त्यांची पगारवाढ (जुलै-2021 ते मे-2023) व सातव्या वेतन आयोगाचे उर्वरीत हप्ते काढून बिल मंजूर करून देण्याचे मोबदल्यात यातील संशयित दादाभाई पानपाटील यांनी 26 जून 2023 रोजी सात हजार रुपये लाचेची मागणी केली तसेच कनिष्ठ सहाय्यक सुखदेव वाघ यांनी मंगळवारी एक ते दोन हजार रुपये लाच मंगळवारी मागणी केल्यानंतर सापळा रचण्यात आला. मंगळवारी सायंकाळी नंदुरबार पंचायत समितीच्या आवारातील डाव्या बाजूस असलेल्या वाहन पार्किंग जवळील लोखंडी गेट जवळ संशयितांनी लाच स्वीकारताच त्यांना अटक करण्यात आली.
