अनंतनागमध्ये दहशतवाद्यांसोबतच्या चकमकीत तीन अधिकार्‍यांसह दोन जवान शहीद

शहीद डीएसपी हुमायून भट यांचे अंत्यदर्शन घेतले
जम्मू-काश्मीर पोलिसांचे शहीद डीएसपी हुमायून भट यांचे बुधवारी रात्री बडगाम जिल्ह्यात अंत्यसंस्कार करण्यात आले. तत्पूर्वी, जम्मू-काश्मीरचे लेफ्टनंट गव्हर्नर मनोज सिन्हा आणि डीजीपी दिलबाग सिंह यांनी त्यांना श्रद्धांजली वाहिली. हुमायून हे दक्षिण काश्मीरमधील त्रालचे रहिवासी होते. गेल्या वर्षीच त्यांचे लग्न झाले. त्यांना दोन महिन्यांचा मुलगा आहे.

काश्मीरमध्ये तीन वर्षांतील सर्वात मोठा हल्ला
काश्मीरमध्ये गेल्या तीन वर्षांतील हा सर्वात मोठा हल्ला आहे, ज्यात आतापर्यंत अनेक वरिष्ठ अधिकारी शहीद झाले आहेत. यापूर्वी 30 मार्च 2020 रोजी काश्मीरमधील हंदवाडा येथे 18 तास चाललेल्या हल्ल्यात कर्नल, मेजर आणि उपनिरीक्षकासह 5 अधिकारी शहीद झाले होते.

राजौरी चकमकीच्या ठिकाणाहून एके-47 आणि गोळ्या जप्त
राजौरी येथेही मंगळवारी झालेल्या चकमकीत एक जवान शहीद झाला, तर दोन दहशतवादी मारले गेले. येथे शोध सुरू असताना लष्कराच्या एका श्वानाचाही मृत्यू झाला. त्याने स्वत:चा जीव धोक्यात घालून आपल्या हँडलरचा जीव वाचवला. राजौरीतील चकमक संपली आहे. चकमकीच्या ठिकाणाहून दोन एके-47, 7 मॅगझिन, 2 बुलेट प्रूफ जॅकेट आणि सुमारे तीन डझन काडतुसे जप्त करण्यात आली आहेत. याशिवाय पाकिस्तानात बनवलेली औषधेही जप्त करण्यात आली आहेत.