Suspension of clerks along with Zingat drivers in Akkalkuwa Agar नंदुरबार : ड्यूटीवर असतानाही मद्यप्राशन करून बसेस हाकणार्‍या सहा कर्मचार्‍यांचे निलंबन करण्यात आल्याने कर्मचार्‍यांमध्ये खळबळ उडाली आहे. वाहतूक नियंत्रकासह दोन वाहक, चालक, स्वच्छक आणि लिपिकाला निलंबित करण्यात आले आहे. आगारप्रमुखाला मारहाण केल्याच्या प्रकारानंतर विभाग नियंत्रकांनी ही कारवाई केली.
कारवाईने उडाली खळबळ
अक्कलकुवा आगारातील कर्मचार्‍यांनी मद्यप्राशन केल्याच्या तक्रारी वेळोवेळी समोर आल्या तर आगार व्यवस्थापकाला मद्यधुंद अवस्थेतील निलंबित दोन वाहकांनी मारहाण केली व त्यानंतर विभाग नियंत्रक विजय गिते यांनी अ‍ॅक्शन मोडवर येत कारवाईचा बडगा उगालार.
यांच्यावर निलंबनाची कुर्‍हाड
वाहतूक नियंत्रक विनायक वाल्मीक साबळे, वाहक मनोज प्रताप पवार, वाहक सतीश नाथराव मुंडे हे कर्मचारी कर्तव्यावर असताना मद्यपान केल्या स्थितीत आढळून आल्याने त्यांना जागेवर निलंबित करण्यात आले तर चालक गजानन चंद्रभान सलाम, लिपिक तुकाराम रामकृष्ण कोळी व स्वच्छक सुभाष गंगा भिल यांनाही निलंबित करण्यात आले आहे.
