तीन हजारांची लाच भोवली : नवापूर तालुक्यातील खाजगी पंटर एसीबीच्या जाळ्यात
प्रतिबंधात्मक कारवाई बंद करण्यासाठी स्वीकारली लाच : लाचखोर हादरले
3000 bribe: Private punter in Nawapur taluka in ACB’s net नंदुरबार : तक्रारदारांसह त्यांच्या साथीदारांवरील नवापूर तहसील कार्यालयातील प्रतिबंधात्मक कारवाई थांबवण्यासाठी तीन हजारांची लाच स्वीकारताना खाजगी पंटराला नंदुरबार एसीबीने लाच स्वीकारताच मंगळवारी दुपारी दिड वाजेच्या सुमारास नवापूर शहरातून अटक केली. हनू उर्फ अनक रामा वळवी (32, सोनारे दिगर, ता.नवापूर, जि.नंदुरबार) असे अटकेतील आरोपीचे नाव आहे.
असे आहे लाच प्रकरण
भादवडच्या 35 वर्षीय तक्रारदारासह 13 जणांवर गुन्हा दाखल असून त्यांच्याविरोधातील नवापूर तहसील कार्यालयातील प्रतिबंधात्मक कारवाई थांबवण्यासाठी संशयित अनक वळवी याने प्रत्येकी एक हजारांप्रमाणे 13 हजारांची लाच मागितली मात्र दहा हजारांवर 9 नोव्हेंबर रोजी तडजोड झाली व सात हजार रुपये आगाऊ स्वीकारण्यात आले. मंगळवार, 21 रोजी तीन हजारांची लाच स्वीकारताना वळवी यास नंदुरबार एसीबीच्या पथकाने अटक केली.
