फैजपूरातील धनाजी नाना महाविद्यालयाच्या प्राचार्यपदी डॉ.आर.बी.वाघुळदे
Dr.R.B.Vaghulde as Principal of Dhanaji Nana College in Faizpur फैजपूर : शहरातील मूळ रहिवासी डॉ.राजेंद्र भास्कर वाघुळदे यांची ऐतिहासिक धनाजी नाना महाविद्यालयाच्या नूतन प्राचार्य म्हणून निवड करण्यात आली. तापी परीसर विद्या मंडळ संचलित धनाजी नाना महाविद्यालयाच्या प्राचार्य पदावर नवनिर्वाचित प्राचार्य डॉ.आर.बी.वाघुळदे यांची 25 नोव्हेंबर रोजी प्रत्यक्ष मुलाखतीत निवड झाली होती. त्या अनुषंगाने त्यांनी प्राचार्य पदाचा पदभार स्वीकारला,
प्रदीर्घ अनुभव : पुरस्कारानेही सन्मान
विशेष म्हणजे प्राचार्य डॉ.आर.बी.वाघूळदे यांना जळगाव येथील धनाजी नाना चौधरी विद्या प्रबोधिनी संचलित शिरीष मधुकरराव चौधरी महाविद्यालयात 23 वर्ष प्राचार्य पदाचा प्रदीर्घ असा अनुभव आहे तसेच त्यांना शैक्षणिक वर्ष 2020-21 साठी कवयित्री बहिणाबाई चौधरी उत्तर महाराष्ट्र विद्यापीठातर्फे उत्कृष्ट प्राचार्य पुरस्कार देवून सन्मानीत करण्यात आले आहे.
शिक्षणाचा दर्जा उंचाविण्यासाठी प्रयत्न करणार
प्राचार्य पदाचा कार्यभार स्वीकारल्यावर डॉ.वाघूळदे म्हणाले की, युवकांच्या आणि परीसराच्या सर्वांगीण विकासाच्या दृष्टीने प्राचार्य पद अत्यंत जबाबदारीचे आणि महत्वाचे पद आहे. या पदाची गरीमा आणि स्व.लोकसेवक बाळासाहेब मधुकरराव चौधरी व विद्यमान आमदार शिरीष चौधरी यांच्या स्वप्नातील पिढी घडविण्यासाठी प्रयत्न केले जातील. पुढील काळात संस्थेच्या भरभराटीसाठी व शिक्षणाचा दर्जा उंचाविण्यासाठी अहोरात्र प्रयत्न करू, सहकारी प्राध्यापक आणि इतर सर्व कर्मचारी यांच्या सहकार्याने परीसरातील जास्तीत-जास्त युवकांना उच्च शिक्षणासोबतच त्यांच्या व्यक्तिमत्व विकासासाठी आवश्यक ते सर्व उपक्रम राबवून सुसंस्कृत व जबाबदार नागरीक घडविण्यासाठी प्रयत्न केले जातील, असे त्यांनी सांगितले.
यांची होती उपस्थिती
प्रसंगी संस्थेचे उपाध्यक्ष डॉ.एस.के.चौधरी, चेअरमन लिलाधर विश्वनाथ चौधरी, सेक्रेटरी प्रा.मुरलीधर तोताराम फिरके, सदस्य डॉ.जी.पी.पाटील, सदस्य संजय चौधरीसह प्र.प्राचार्य डॉ.ए.आय.भंगाळे, उपप्राचार्य विलास बोरोले, शंकर जाधव, संस्थेचे कर्मचारी नितीन सपकाळे, संस्थेचे व महाविद्यालयाचे प्राध्यापक, शिक्षकेतर कर्मचारी, आप्तेष्ट, परीसरातील प्रतिष्ठित नागरीक यांनी शुभेच्छा देवून अभिनंदन व सत्कार करण्यात आला.
