धुळे, मालेगावसह जळगावातील शिवपुराण कथेत चोर्‍या : 37 जणांची आंतरराज्यीय टोळी एलसीबीच्या जाळ्यात
Thieves in Shivpuran story in Dhule, Malegaon and Jalgaon : 37-member inter-state gang in LCB’s net जळगाव : धुळ्यासह मालेगाव व जळगावातील पं.प्रदीप मिश्रा यांच्या शिवपुराण कथेदरम्यान भाविकांच्या गर्दीचा फायदा घेत त्यांच्याकडील मंगळसूत्र तसेच महागड्या वस्तू लांबवणार्‍या आंतरराज्यीय 37 जणांच्या टोळीला जळगाव एलसीबीने अटक केली. अटकेतील टोळी विरोधात राजस्थानमध्ये सहा तर मध्यप्रदेशात 15 गुन्हे दाखल असल्याची माहिती सूत्रांनी दिली.
सुरूवातीला 27 तर नंतर 10 संशयितांना घेतले होते ताब्यात
जळगाव तालुक्यातील वडनगरी येथे सुरु असलेल्या शिवमहापुराण कथेतून पहिल्याच दिवशी मंगलपोत चोरी करणार्‍या आंतरराज्यीय 27 महिलांच्या टोळीला स्थानिक गुन्हे अन्वेषण शाखा (एलसीबी) ने ताब्यात घेतले होतेतर एका अल्पवयीनाच बालसुधाकर रवानगी करण्यात आली होती. त्यानंतर याच टोळीतील 10 जणांना पुन्हा अटक करण्यात आली.
अटकेतील संशयितांची संख्या पोहोचली 37 वर
जळगाव तालुक्यातील वडनगरी फाटा येथे बडे जटाधारी मंदिराजवळ तीन दिवसांपासून शिवमहापुराण कथा सुरू आहे. या कथेला जिल्ह्यातून तसेच राज्यातून व राज्याबाहेरून लाखो भाविकांची उपस्थिती होती. नेमक्या याच संधीचा फायदा चोरट्यांकडून घेतला जात आहे. महिलांकडील पर्स, मोबाईल तसेच दागिणे लांबवण्यात येत आहेत. कथेच्या पहिल्याच दिवशी जळगाव एलसीबीने 27 महिलांना ताब्यात घेतले व नंतर गुरुवारी कथेच्या ठिकाणाहून राजस्थान व मध्यप्रदेशातील दहा जणांची टोळी पकडण्यात आले. ताब्यातील एकूण संशयितांची संख्या 37 झाली आहे. यातील पाच महिला या राजस्थानमधील अलवर, भरतपुर, सदनपुरी याठिकाणारील तर पाच संशयित महिला या इंदौरच्या रहिवासी आहेत
या संशयितांना अटक
मिथीलेश बदनसिंगकुमार (28), बिमलेश अनिलकुमार (35), प्रिया उर्फ ज्योती दीपक साहिल (30), ममताकुमारी सुभेदारसिंग (35), बिनाकुमारी जंदेलकुमार (50, सर्व रा.राजस्थान), किरण रमेश हरजन (23, रा.ईलाहबाद, ता.उत्तरप्रदेश), विजेता राकेश जाटम (30), उषा सुरज जाटम (40), सविता बिनकुमार (21), कोमल विजेंदर जाटम (20), कमलेश राजेंद्र जाटम (35, सर्व रा. इंदौर, मध्यप्रदेश) अशी अटकेतील संशयितांची नावे आहे. संशयितांना 9 डिसेंबरपर्यंत पोलिस कोठडी सुनावण्यात आल्यानंतर पुन्हा शनिवारी जळगाव न्यायालयात हजर करण्यात येणार आहे.
