भुसावळातील यावल रस्त्याचे होणार काँक्रिटीकरण : रस्ते, पूल इमारतीसाठी 68 कोटींचा निधी मंजूर

Yaval road in Bhusawla will be concretized : 68 crores sanctioned for road, bridge construction भुसावळ : भुसावळचे आमदार संजय सावकारे यांच्या पाठपुराव्यानंतर भुसावळातील सर्वाधिक वर्दळीच्या यावल रस्त्याच्या काँक्रिटीकरणासाठी दहा कोटींचा निधी मंजूर झाला आहे तर राज्याच्या अर्थसंकल्पीय निधीतून भुसावळ शहर व तालुक्यासाठी 68 कोटी 22 लाखांचा निधी मंजूर झाला. या निधीतून रस्ते, शासकीय इमारती, पुलांची कामे होणार असल्याची माहिती आमदार संजय सावकारे यांनी दिली.

रस्त्यांसह इमारतीची होणार कामे
राज्याच्या अर्थसंकल्पीय निधीतून शहर व तालुक्यातील रस्ते व पुलाच्या कामांसाठी 51 कोटी तर इमारतींसाठी 17 लाखाची कामे मंजूर झाली. शासकीय इमारतींमध्ये भुसावळ शहरातील अतिरिक्त जिल्हा न्यायालय इमारतीच्या दुसर्‍या व तिसर्‍या मजल्यासाठी फर्निचर, भुसावळ तहसीलदार निवास बांधकाम व भुसावळ येथे प्रकार 1 ची 16 व प्रकार 2 ची 8 निवासस्थाने बांधणे, तालुक्यातून जाणारे रस्ते, नदी व नाल्यांवरील पुलासाठी निधी मंजूर झाला. यात शहरासाठी सर्वात महत्त्वाच्या यावल रोडच्या काँक्रिटीकरणासाठी 10 कोटी रुपये मिळाले. गांधी पुतळा ते तापी पुलापर्यंत हे काम होईल. दरम्यान, अर्थसंकल्पीय निधीतून उपलब्ध होणार्‍या निधीतून दणळवणसेवा अधिक बळकट होण्यास मदत होईल. शहरात सर्वाधिक कळीचा प्रश्न ठरलेल्या यावल रोडच्या काँक्रिटीकरणाचा प्रलंबित विषय निघेल. कारण, या रस्त्याच्या दुरुस्तीवर वारंवार मोठी निधी खर्च करावा लागतो.