दहा हजारांची लाच भोवली : सारंगखेडा पोलिस ठाण्यातील निरीक्षकासह पोलिस शिपाई नाशिक एसीबीच्या जाळ्यात
दारू व्यवसाय करू देण्यासाठी मागितली दहा हजारांची लाच : पोलिस वर्तुळात खळबळ
Bribe of ten thousand: Sarangkheda police station inspector along with police constable in the net of Nashik ACB भुसावळ : सारंगखेडा यात्रोत्सवात दारूचा व्यवसाय करू देण्यासाठी दहा हजारांची लाच मागून ती स्वीकारताना सारंगखेडा, जि.नंदुरबार पोलिस ठाण्याच्या निरीक्षकासह शिपायाला नाशिक एसीबीने अटक केल्याने लाचखोरांच्या गोटात प्रचंड खळबळ उडाली आहे. संदीप उत्तमराव पाटील (44) असे अटकेतील पोलिस निरीक्षकाचे तर गणेश भामट्या गावीत (38) असे पोलिस शिपायाचे नाव आहे.
असे आहे लाच प्रकरण
35 वर्षीय तक्रारदाराने सारंगखेडा येथील यात्रेनिमित्त दारू वाहतुकीचा व्यवसाय करण्यासाठी परवानगी मागितल्यानंतर गणेश गावीत यांनी 21 हजार रुपये लाचेची मागणी केली तर तडजोडीअंती 10 हजार रुपये देण्याचे ठरल्यानंतर शनिवारी दुपारी तीन वाजता गावीत यांना अटक करण्यात आली तर निरीक्षकाचाही लाच मागणीत सहभाग असल्याने त्यांना अटक करण्यात आली.
