भुसावळातील वाहतूक कोंडी प्रश्न मिटणार : प्रशासकांकडून सिग्नल यंत्रणेचा ठराव मंजूर

एकतर्फी वाहतुकीची गरज
शहरातील सर्वात जास्त कोंडी बसस्थानकाजवळ होते़ अवैध वाहतूकदारांनी मांडलेल्या ठिय्यामुळे वेळप्रसंगी पायी चालणे कठीण होते़ त्या पार्श्वभूमीवर पोलीस प्रशासनाने वरणगाव भागातून येणाजया बसेस बसस्थानकात येतील व परतीच्या प्रवासात नाहाटा महाविद्यालयाकडून सोडल्यास समस्या काही प्रमाणात सुटणार आहे.

टोईंग वाहनाचाही पर्याय
शहरात अनेक ठिकाणी एकेरी वाहतूक करणे गरजेचे आहे़ पोलीस प्रशासनाकडून अनेकदा पालिका प्रशासनासह स्थानिक आगाराला या संदर्भात पत्र देण्यात आले आहे मात्र त्यानंतरही कुठलीही ठोस भूमिका संबंधितानी घेतलेली नाही़ सिग्नल यंत्रणा कार्यान्वित केल्यास निश्चित वाहतूक कोंडी कमी होणार आहे शिवाय पालिका प्रशासनाने टोईंग वाहन घेतल्यास दंडात्मक कारवाईतील महसूल पालिकेला मिळू शकतो़

या जागी होती पूर्वी सिग्नल यंत्रणा
शहरातील बाजारपेठ पोलीस ठाण्याजवळ, गांधी पुतळा तसेच पांडुरंग टॉकीजजवळ व नाहाटा महाविद्यालय चौफुलीवर सिग्नल यंत्रणा कार्यान्वित करण्यात आली होती मात्र केवळ दोन महिन्यातच ती बंद करण्यात आली़ त्यानंतर देखभाल व निगा ठेवण्यात न आल्याने वर्षानुवर्षे ती बंद असल्याने आजघडीला पूर्णपणे खराब झाली आहे.

वाहतूक कोंडीचा प्रश्न सुटेल : कृष्णात पिंगळे
भुसावळातील वाहतुकीची समस्या लक्षात घेता प्रांताधिकारी प्रशासनाला सिग्नल यंत्रणा सुरू करण्याची विनंती केली होती. शहरात वाहतुकीचे नियमन प्रभावीपणे करता येण्यासाठी सिग्नल यंत्रणा प्रभावी ठरेल, असा आशावाद पोलीस उपअधीक्षक कृष्णात पिंगळे यांनी व्यक्त केला.

निधीची मागणी करणार : मुख्याधिकारी
सिग्नल यंत्रणेची बाब खर्चिक असल्याने इस्टीमेट करून तांत्रिक मान्यता घेण्यात येईल. डीपीडीसीतून निधी मागणीचा प्रस्ताव सादर केला जाईल व निधी मागणीसाठी पाठपुरावा करू, असे मुख्याधिकारी महेश वाघमोडे म्हणाले. डीपीडीसीतून निधी मिळताच सिग्नल यंत्रणा कार्यान्वीत करू, असेही ते म्हणाले.