भुसावळात नुपूर महोत्सवात रसिक मंत्रमुग्ध

Enchanted enthusiasts at the Nupur festival in Bhusawal भुसावळ : शहरातील खाचणे हॉलमध्ये महाशिवरात्रीचे औचित्य साधून नुपूर कथक डान्स अ‍ॅकेडमीतर्फे नुपूर महोत्सवाचे आयोजन शुक्रवार, 8 मार्च रोजी करण्यात आले. डॉ.छाया चौधरी, किरण फालक, डॉ.व्ही.बी.खाचणे, रमाकांत भालेराव, चारू भालेराव यांच्यास्ते नटराज पूजन आणि दीप प्रज्वलन झाले.

सहभागी कलावंतांचा गौरव
रमाकांत भालेराव यांनी प्रास्ताविकात अ‍ॅकेडमीच्या कार्याची माहिती दिली. यावेळी स्थानिक युवा चित्रकार चंद्रवीर बेहरा याने तयार केलेले चित्र पाहुणे कलाकार श्रीनिवास राजेंद्र यांना देण्यात आले. यावेळी त्याचा तसेच सुरेखा पांडव, मालती श्रीखंडे, डॉ.गिरीश कुलकर्णी यांचा सत्कार करण्यात आला. सर्व सहभागी कलावंतांना मान्यवरांच्या हस्ते पदक देऊन गौरवण्यात आले. नंतर प्रत्यक्ष सादरीकरणास सुरुवात झाली. यात आदी योगी नमस्तुभ्यं- शांभवी निनावे, भूमिका भोसले, पूर्वी शर्मा, तेजस्वी पाटील, वैभवी गडे तर शिव अनादी हैं- भार्गवी उंबरकर, शानवी चौधरी, शारवी लाहोटी, धनश्री भुरे, नक्षत्रा महाले, सानवी कुंभलकर, माहिता सुरी यांनी सादर केले. नंतर डीमिक डिमिक डमरू बाजे सुनीता दरगड, मीनल पाटील, मधुश्री गायकवाड, भावना कांबळे, अंजली ठाकूर तर शिव तांडव- नुपूर भालेराव हिने सादर करून रसिकांची दाद मिळवली. नंतर ईश गिरीश- यज्ञां पाटील, गार्गी पुसतकर, मानसी टेकवांणी, प्रियांशी जूनागडे, मोक्षदा तळेले, मानवी पवार यांनी सादर केले. नंतर शिवस्तुती – चारू भालेराव यांनी सादर केली. नंतर ओम् नमः शिवाय डमरू पाणी या गाण्यावर मंजू शर्मा, यशस्वी पाटील, जयश्री कनोजिया, पल्लवी महाजन, नम्रता सराफ यांनी नृत्य सादर केले.