मंदिरावर पाणी मारताना तोल जावून पडल्याने मोहराळ्यातील तरुण गंभीर

A young man in Moharrala is seriously injured after he lost his balance while splashing water on the temple यावल : यावल तालुक्यातील मोहराळा गावात मंदिरावर पाणी मारतांना तोल जाऊन पडल्याने गावातील एक तरुण गंभीर जखमी झाला. अपघातानंतर त्यास तातडीने उपचाराकरीता यावल ग्रामीण रुग्णालयात आणलेे. अपघातात तरुणाची प्रकृती गंभीर असल्याने प्रथमोपचार करीत त्याला पुढील उपचारार्थ साकेगाव येथील गोदावरी फाऊंडेशनच्या डॉ.उल्हास पाटील रुग्णालयात दाखल करण्यात आले.

तोल जावून पडल्याने तरुण गंभीर जखमी
मोहराळा, ता.यावल येथील रहिवासी वैभव राजेंद्र पाटील (27) हा गावातील श्री विठ्ठल मंदिराच्या बांधकामावर पाणी मारत असताना अचानक त्याचा तोल गेला व तो मंदिरावरून असतांना 20 फूट उंचीवरून खाली कोसळला. त्याच्या डोक्यास गंभीर दुखापत झाल्याने त्यास माजी पंचायत समिती गटनेता शेखर पाटील व गावातील नागरिकांच्या मदतीने प्रारंभी यावल ग्रामीण रुग्णालयात दाखल करण्यात आले.

प्रथमोपचार करण्यात आल्यानंतर अधिक उपचारार्थ त्यास साकेगाव येथील गोदावरी फाऊंडेशनच्या डॉ.उल्हास पाटील रुग्णालयात हलवण्यात आले. त्याच्यावर उपचार सुरू असून त्याची प्रकृती गंभीर आहे. वैभव पाटील अल्पभूधारक शेतकरी असून तो कुटुंबात वडील नसल्याने तो एकूलता एक मुलगा असल्याने आपल्या आईसह मोहराळा येथे वास्तव्यास आहे.