Horrific accident near Shindkheda : Five devotees returning from Bhagwat week killed शिंदखेडा (15 सप्टेंबर 2024) : नरडाणा येथे भागवत कथेच्या कार्यक्रमावरून शहराकडे निघालेल्या भाविकांच्या इको वाहनाला भरधाव पिकअपने जबर धडक दिल्याने झालेल्या भीषण अपघातात पाच भाविकांचा मृत्यू झाला. हा अपघात शिंदखेडा तालुक्यातील दसवेल फाट्याजवळ रविवारी मध्यरात्रभ पहाटे दोन वाजेच्या सुमारास घडला.
पाच भाविक ठार : शिंदखेडा भागात शोककळा
शिंदखेडा भागातील भाविक नरडाणा येथे भागवत कथेसाठी गेल्यानंतर रविवारी पहाटे दोन वाजता कार्यक्रम आटोपून इको व्हॅनद्वारे गावाकडे निघाल्यानंतर दसवेल फाट्याजवळ भरधाव माल वाहतूक बोलेरो पिकअपने त्यांच्या व्हॅनला जोरदार धडक दिली. या अपघातात पाच जणांचा जागीच मृत्यू झाला. या अपघातात चार जण गंभीर जखमी आहेत. जागीच मृत्यू झालेल्यांमध्ये तीन महिला आणि दोन पुरुषांचा समावेश आहे. जखमींवर धुळे जिल्हा रुग्णालयात उपचार सुरू आहेत. दरम्यान, याबाबत ‘लोकमत’ने ऑनलाईन वृत्त दिले आहे.
मद्यधूंद चालकामुळे अपघात
अपघात इतका भयंकर होता की, दोन्ही गाड्यांचा अक्षरशः चक्काचूर झाला. अपघाताची माहिती मिळताच स्थानिकांनी घटनास्थळी धाव घेतली. जखमींना उपचारासाठी हिरे वैद्यकीय रुग्णालयात दाखल करण्यात आले. धक्कादायक म्हणजे पिकअप वाहनाचा चालक हा मद्यधुंद अवस्थेत असल्याचे प्रत्यक्षदर्शींकडून सांगण्यात येत आहे. या घटनेमुळे धुळे जिल्ह्यावर शोककळा पसरली आहे.
