भुसावळात 26 ते 28 ऑक्टोबरदरम्यान महिला उद्योजक मेळावा

Women Entrepreneurs Meet at Bhusawal from 26th to 28th October भुसावळ (06 ऑक्टोबर 2024) : आपणही समाजाचं देणे लागतो या भावनेतून कार्यरत शहरातील प्रतिष्ठा महिला मंडळातर्फे 26 ते 28 ऑक्टोबरदरम्यान महिला उद्योजक मेळाव्याचे शहरातील डेली मार्केट भागातील ब्राह्मण संघात आयोजन करण्यात आले आहे. महिला आर्थिकदृष्ट्या स्वावलंबी व्हाव्यात, त्यांच्याकडील उत्पादनांना योग्य बाजारपेठ मिळावी व महिलांकडील घरगुती उत्पादनांचा अधिकाधिक लोकांपर्यंत प्रचार-प्रसार होण्यासाठी भुसावळचे आमदार संजय सावकारे यांच्या सहकार्यातून शहरात महिला उद्योजक मेळाव्याचे आयोजन करण्यात आले आहे.

शहरासह तालुक्यातील महिलांना आवाहन
शहर व तालुक्यातील अधिकाधिक महिलांनी मेळाव्यात सहभाग नोंदवण्यासाठी अनिता आंबेकर (7304434949), जयश्री चौधरी (9158823288), सोनल महाजन (9130838468), मनीषा काकडे, वैशाली सैतवाल, राजश्री बादशाह यांच्याशी संपर्क साधावा, असे आवाहन प्रतिष्ठा महिला मंडळाच्या अध्यक्षा रजनी संजय सावकारे यांनी केले आहे.