पाचोरा तालुक्यातील जवानाचा वीज पडून मृत्यू

A jawan in Pachora taluka died due to lightning पाचोरा (10 ऑक्टोबर 2024) : पाचोरा तालुक्यातील जवानाचा गावाकडे सुटीवर आल्यानंतर वीज पडून मृत्यू झाला. भूषण आनंदा बोरसे असे मृत जवानाचे नाव आहे. ते सशस्त्र सीमा बल (एसएसबी) मध्ये बिहारमध्ये कार्यरत होते. जवानाचा वीज पडून दुर्दैवी मृत्यू झाल्याने संपूर्ण परिसरात हळहळ व्यक्त केली जात आहे.

सुटीवर आल्यानंतर जवानाचा मृत्यू
सशस्त्र सीमा बलात कार्यरत जवान भूषण हे दिवाळी व नवीन घर भरणीनिमित्त दोन दिवसांपूर्वीच गावी आले होते मात्र बुधवारी ते वडिलांसोबत भातखंडे खुर्द शिवारात शेतात गेले होते. शेतात वडिलांना बैलगाडीवरून त्यांनी रवाना केले व दुचाकीवरून ते घराकडे येत असताना त्यांच्या अंगावर वीज पडली. ही घटना बुधवारी सायंकाळी साडेपाच वाजता घडली. मयत जवानाच्या पश्चात आई, वडील, पत्नी, मुलगा व दोन भाऊ असा परिवार आहे.