पूर्ववैमनस्यातून हाणामारी : कुर्हाडीच्या घावामुळे लाखनवाड्यातील दोघांचा मृत्यू
बाळापूर (अकोला) : पूर्ववैमनस्यातून झालेल्या हाणामारीत कुर्हाडीने वार करण्यात आल्याने दोघांचा मृत्यू झाल्याची घटना मंगळवारी बाळापूर पोलीस स्टेशन अंतर्गंत येत असलेल्या लाखनवाडा येथे 20 ऑगस्ट रोजी घडली. या प्रकरणी बाळापूर पोलिसांनी तिघांना ताब्यात घेतले आहे. मारहाणी गंभीर जखमी झालेल्या लक्ष्मण दुधाजी डाबेराव (40) यांचा मृत्यू झाला तर गंभीर जखमींमधील आणखी एकाचा सायंकाळी मृत्यू झाला. गंभीर जखमी असलेल्या एकावर सर्वोपचार रुग्णालयात उपचार सुरू आहेत. या प्रकरणी बाळापूर पोलिसांनी सचिन दीपक वाकोडे, प्रवीण दीपक वाकोडे, सागर संतोष शिरसाट यांना ताब्यात घेतले आहे.
