By-elections to three Lok Sabha seats : Nanded also included मुंबई (15 ऑक्टोबर 2024) : निवडणूक आयोगाने मंगळवारी 13 राज्यांमधील 48 विधानसभा जागांसाठी दोन टप्प्यात पोटनिवडणूक जाहीर केली. केरळमधील 47 जागांवर आणि वायनाडच्या जागेवर 13 नोव्हेंबरला मतदान होईल तर 20 नोव्हेंबरला महाराष्ट्रात नांदेडच्या एका जागेवर मतदान होणार आहे. 23 नोव्हेंबरला सर्व जागांचे निकाल हाती येतील.
तीन लोकसभा जागांवर पोटनिवडणूक
राहुल गांधी यांच्या राजीनाम्यामुळे केरळमधील वायनाडची जागा रिक्त झाली आहे तर महाराष्ट्रातील नांदेडची जागा काँग्रेस खासदार वसंत चव्हाण यांच्या निधनामुळे रिक्त झाली आहे तसेच पश्चिम बंगालच्या बशीरहाटमधील हाजी शेख नुरूल यांचाही मृत्यू झाल्याने या तीन जागांवर पोटनिवडणूक होत आहे.
विधानसभेच्या 48 जागांपैकी 42 आमदार हे खासदार झाले आहेत. यामध्ये सर्वाधिक 11 आमदार काँग्रेसचे, 9 भाजपचे, एसपी-टीएमसीचे प्रत्येकी पाच आणि इतर पक्षांचे 12 आमदार आहेत. उर्वरित सहा जागांपैकी तीन जागा मृत्यूमुळे रिक्त झाल्या आहेत. सपा आमदार तुरुंगात गेल्याने, सिक्कीममधील दोन आमदारांचे राजीनामे आणि मध्य प्रदेशात एका आमदाराने पक्ष बदलल्यामुळे ही जागा रिक्त झाली.
उत्तर प्रदेशमध्ये विधानसभेच्या 48 जागांपैकी सर्वाधिक 9 जागा आहेत, त्यापैकी एका मिल्कीपूर जागेवर पोटनिवडणूक होणार नाही. राजस्थानमधून 7, पश्चिम बंगालमधून 6, आसाममधून 5, बिहारमधून 4, पंजाबमधून 4, कर्नाटकमधून 3, केरळमधून 2, मध्य प्रदेशातून 2, सिक्कीममधून 2, गुजरातमधून 1, उत्तराखंडमधून 1, मेघालयातून 1 आणि छत्तीसगड विधानसभेची 1 जागा आहे.
