मध्यप्रदेशच्या वाहनातून गांजाची तस्करी : धुळ्यात सव्वादोन लाखांच्या मुद्देमालासह दोघे जाळ्यात
धुळे (28 ऑक्टोबर 2024) : मध्यप्रदेशच्या आगाराच्या बसमधून इंदौरहून शिर्डीकडे नेण्यात येणार्या गांजाची तस्करी धुळ्यातील देवपूर पोलिसांनी रोखत दोघांना बेड्या ठोकल्या. आरोपींकडून दोन लाख 28 हजार 260 रुपये किंमतीचा गांजा जप्त करण्यात आला. राहुल एकनाथ सुरसे (शिर्डी) व ऋषीकेश विजय गुजर (येवला) अशी अटकेतील आरोपींची नावे आहेत.
गोपनीय माहितीवरून कारवाई
धुळ्यातील देवपूर पोलीस ठाण्याचे निरीक्षक धनंजय पाटील यांना गोपनीय माहिती मिळाल्यानंतर त्यांनी नगावबारी चेक पोस्टवर टीम पाठवल्यानंतर बस क्रमांक (एम.पी.13 टी.3569) आल्यानंतर तिची तपासणी केली असता दोन प्रवाशांचे वर्तन संशयास्पद वाटल्यानंतर त्यांच्या बॅगेची झडती घेतली असता त्यात गांजा आढळल्याने दोघांना अटक करण्यात आली. कॉन्स्टेबल साजीद कादीर शहा यांनी याप्रकरणी फिर्याद नोंदवली.
