अमळनेरातील तरुणाचा मारहाणीत मृत्यू

अमळनेर (3 नोव्हेंबर 2024) : जळोद-अमळगाव शिवारात दुचाकीला कट लागल्याच्या वादातून झालेल्या मारहाणीत एकाचा मृत्यू झाला. ही घटना रविवार, 3 रोजी पहाटे दोन वाजेच्या सुमारास घडली. विकास प्रवीण पाटील (30, रा.अमलेश्वर नगर, अमळनेर) असे मृताचे नाव आहे.

हाणामारीत मृत्यू
विकास हा मित्रांसह पिंगळवाडे येथे तमाशा पाहण्यासाठी गेला होता मात्र दुचाकी कट मारल्यावरून इंडिकेटर तुटले. त्यावरून दोन गटात अमळगाव – जळोद रस्त्यावर हाणामारी झाली. यात विकासचा मृत्यू झाला. तीन संशयीतांना तपास यंत्रणेने ताब्यात घेतले आहे.