भुसावळात उद्या महाविकास आघाडीचे उमेदवार डॉ.राजेश मानवतकर यांच्या प्रचारार्थ खासदार प्रणिती शिंदे यांची सभा

भुसावळ (9 नोव्हेंबर 2024) : महाविकास आघाडीतील काँग्रेसचे उमेदवार डॉ.राजेश मानवतकर यांच्या प्रचारार्थ खासदार प्रणिती शिंदे यांची जाहीर सभा शहरातील नेहरू मैदानावर रविवार, 10 नोव्हेंबर रोजी दुपारी अडीच वाजता होणार आहे. तत्पूर्वी डॉ.मानवतकर यांच्या प्रचार कार्यालयापासून जोरदार रॅली काढण्यात येणार आहे.

महाविकास आघाडीचे पदाधिकारी उपस्थित राहणार
भुसावळात विधानसभा निवडणुकीचा आखाडा तापला असून नेत्यांच्या सभांनी निवडणुकीत चांगलीच रंगत आणली आहे. महाविकास आघाडीतील घटक पक्ष काँग्रेसला भुसावळची जागा मिळाल्यानंतर त्यांनी उच्चशिक्षीत डॉ.राजेश मानवतकर यांना उमेदवारी जाहीर केली आहे.

दरम्यान, रविवारी दुपारी अडीच वाजता खासदार प्रणिती शिंदे या प्रचार सभेला उपस्थित राहून मार्गदर्शन करणार असून उपस्थितीचे आवाहन आयोजकांनी केले आहे.