अमळनेरसह जलंबला चैन स्नैचिंग : भुसावळातील आरोपीला बेड्या
बाजारपेठ पोलिसांच्या डीबी शाखेची कारवाई : दोन गुन्ह्यात संशयीत वॉण्टेड
Chain snatching in Amalner and Jalambala: Accused from Bhusawal chained भुसावळ (3 मार्च 2025) :अमळनेरसह जलंब, ता.खामगाव येथे धूम स्टाईल महिलांच्या गळ्यातील मंगळसूत्र लांबवल्याप्रकरणी भुसावळातील संशयीताला बाजारपेठ पोलिसांनी रविवार, 2 रोजी अटक केली आहे. मझर अब्बास जाफर (18, रा.मुस्लीम कॉलनी, भुसावळ) असे अटकेतील आरोपीचे नाव आहे.
गोपनीय माहितीवरून कारवाई
अमळनेर पोलिसात तसेच जलंब, ता.खामगाव पोलिसात 70 हजार व एक लाख 60 हजार रुपये किंमतीचे धूम स्टाईल मंगळसूत्र चोरी केल्याप्रकरणी गुन्हा दाखल आहे. हा गुन्हा भुसावळातील संशयीताने केल्याची माहिती मिळाल्यानंतर बाजारपेठ पोलिसांनी त्यास रविवारी अटक केली व अधिक कारवाईसाठी अमळनेर पोलिसांच्या ताब्यात देण्यात आले.
यांनी केली कारवाई
ही कारवाई पोलीस अधीक्षक महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी कृष्णात पिंगळे, बाजारपेठ पोलीस निरीक्षक राहुल वाघ यांच्या मार्गदर्शनाखाली पोलीस उपनिरीक्षक मंगेश जाधव, हवालदार विजय नेरकर, कॉन्स्टेबल प्रशांत परदेशी, कॉन्स्टेबल योगेश माळी, कॉन्स्टेबल राहुल वानखेडे, कॉन्स्टेबल भूषण चौधरी, कॉन्स्टेबल सचिन चौधरी, कॉन्स्टेबल अमर आढळे, कॉन्स्टेबल योगेश महाजन आदींच्या पथकाने ही कारवाई केली.
