सरपंच संतोष देशमुख हत्याकांड : मंत्री धनंजय मुंडेंचा राजीनामा

आरोपी वाल्मीक कराड मुंडे समर्थक
संतोष देशमुख हत्याप्रकरणाचा सूत्रधार वाल्मीक कराड हा धनंजय मुंडे यांचा निकटवर्तीय सहकारी आहे. गेल्या अनेक वर्षांपासून वाल्मिक कराड हा धनंजय मुंडे यांच्या निवडणुकीतील प्रचाराची आणि त्यांच्या अनुपस्थितीत जिल्ह्यातील कारभाराची सूत्रे हाताळत होता. संतोष देशमुख हत्याप्रकरणात वाल्मिक कराडचे नाव आल्यापासून धनंजय मुंडे यांनी मंत्रिपदाचा राजीनामा द्यावा, अशी मागणी होत होती. मात्र, धनंजय मुंडे यांचा या प्रकरणात थेट सहभाग नाही, असे सांगत अजित पवार यांनी त्यांची पाठराखण केली होती. तर मुख्यमंत्री देवेंद्र फडणवीस यांनीही धनंजय मुंडेंच्या राजीनाम्याचा निर्णय त्यांचा पक्ष घेईल, अशी भूमिका घेतली होती. त्यामुळे धनंजय मुंडे यांच्या राजीनाम्याची केवळ चर्चाच सुरु होती. मात्र सोमवारी संतोष देशमुख यांच्या हत्या करतानचे क्रूर फोटो समोर आल्यानंतर राज्यातील वातावरण संतप्त झाले व मंगळवारी मंत्री मुंडे पायउतार झाले.

संतोष देशमुख हत्या प्रकरणी मी मुख्यमंत्री देवेंद्र फडणवीस यांच्याकडे मागण्या केल्या आहेत. ते यावर निर्णय घेतील. सर्व आरोपींना फाशी देण्यात यावी, असे आमदार नमित मुंदडा यांनी म्हटले आहे. आता कुठेतरी देशमुख कुटुंबियांना न्याय मिळेल.

करुणा शर्मा म्हणाल्या की, आज महाराष्ट्राला न्याय मिळेल. मी एक फोटो बघितला की, संतोष देशमुख यांचा मृत्यू झाल्यानंतर एक व्यक्ती त्यांच्यावर तोंडावर लघवी करत आहे. या लोकांची काय मानसिक स्थिती आहे? हसत हसत संतोष देशमुख यांच्या मृतदेहाचे फोटो, व्हिडिओ काढत आहेत. वाल्मिक कराड तो व्हिडिओ लाईव्ह बघत आहे. आपला महाराष्ट्र कुठे चालला आहे? त्यांनी जी लघवी केलेली आहे ती संतोष देशमुख यांच्या तोंडावर नाही तर आपल्या महाराष्ट्राच्या प्रशासनावर लघवी केलेली आहे.

..तर धनंजय मुंडेंना सहआरोपी करा- संदीप क्षीरसागर
लोकांच्या भावाना ह्या तीव्र झाल्या आहेत. संतोष देशमुख यांच्या कुटुंबियांचीदेखील मागणी होती की धनंजय मुंडे यांचा राजीनामा घेण्यात यावा. राजीनामा घेण्यास नक्कीच उशीर झाला आहे. वाल्मीक कराडला लोकं रस्त्यावर उतरले होते. खंडणी प्रकरणी सुरेश धस हे अभ्यासपूर्वक बोलले असतील, तसे असेल तर धनंजय मुंडेंना सह आरोपी करा, अशी मागणी आमदार संदीप क्षीरसागर यांनी केली आहे. वाल्मीक कराडला फाशीवर चढवले गेले पाहिजे, असेही ते म्हणाले.