हातावर पोट भरणार्‍या मजुराला आयकर विभागाकडून 114 कोटींची नोटीस : काय आहे नेमके प्रकरण ?
नागपूर (10 एप्रिल 2025) : नागपूरात हातावर पोट भरणार्‍या एका मजुराला आयकर विभागाकडून 314 कोटी रुपयांची नोटीस दिली आहे. ही नोटीवस पाहताच मजूर आजारी पडला असून त्याच्यावर रुग्णालयात उपचार सुरू आहेत. याप्रकरणी सखोल चौकशी करण्यात यावी, अशी विनंती मजुराने केली आहे.
चंद्रशेखर पंडित राव कोहाड असे मजुराचे नाव आहे. चंद्रशेखर हा मूळचा मध्य प्रदेशातील बैतुल जिल्ह्यातील रहिवाशी आहे. कुटुंबाचा उदरनिर्वाह करण्यासाठी तो गेल्या काही दिवसांपासून नागपूरात मजुरी करतो. काही दिवसांपूर्वी चंद्रशेखरला आयकर विभागाकडून तब्बल 314 कोटी 79 लाख 87 हजार 83 रुपयांची नोटीस मिळाली. भाड्याच्या घरात राहणारा आणि मुजरी करणार्‍या चंद्रशेखरला हे नोटीस पाहिल्यानंतर मोठा धक्का बसला.
महाराष्ट्रातील आयकर विभागाने बैतुल मुलताई नगरपालिकेकडून चंद्रशेखर याच्या मालमत्तेबाबत माहिती मागितली, तेव्हा हा मुद्दा उघडकीस आला. ही चौकशी त्याच्या नावावर नोंदणीकृत असलेल्या जमिनीवर आधारित होती. चौकशीदरम्यान, असे समजले की, ही जमीन चंद्रशेखर याच्या मालकीची नाही तर आमलाच्या देवठाण येथील रहिवाशी राधेलाल किराड याचा मुलगा मनोहर हरकचंद याच्या नावावर नोंदणीकृत आहे. चंद्रशेखर याच्या नावावर कोणत्याही जमिनीची नोंद नसल्याचे महापालिका अधिकार्‍यांनी स्पष्ट केले. याबाबत आयकर विभागाला कळवण्यात आले आहे.
