पहलगामसारखा दहशतवादी हल्ल्याची भीती : गुप्तचर यंत्रणेच्या इशार्‍यानंतर यंत्रणा अलर्ट
Fear of a terrorist attack like Pahalgam : Security alert after intelligence agencies warn श्रीनगर (30 एप्रिल 2025) : द रेजिस्टेंट फॉर्स या दहशतवादी संघटनेने पहलगाममधील हल्ल्याची जवाबदारी घेतल्यानंतर आणखी एक हल्ला होण्याची शक्यता वर्तवण्यात आली आहे. गुप्तचर यंत्रणेकडून मिळालेल्या माहितीच्या आधारे काश्मीरातील 50 पर्यटनेस्थळे बंद करण्यात आली जर भारताने पाकिस्तानविरोधात सैन्य कारवाई केली तर तणावपूर्ण वातावरणात पर्यटकांसाठी मार्गदर्शक सूचना जारी केली जाऊ शकते. सध्या संवेदनशील भागात सुरक्षा जवान तैनात आहेत. त्याशिवाय अनेक तपास यंत्रणाही अलर्टवर आहेत.
काश्मीरमध्ये तैनात वरिष्ठ अधिकार्‍यांनी सांगितले की, दहशतवादी संघटना द रेजिस्टेंस फोर्सकडून आणखी टार्गेट किलिंग केली जाऊ शकते. त्यात काश्मिरी पंडित, स्थलांतरित कामगार आणि सुरक्षा जवानांना लक्ष्य करण्याचा प्रयत्न आहे.
पहलगाम हल्ल्यानंतर जेव्हा एका स्थानिक दहशतवाद्याचे घर उद्ध्वस्त केले तेव्हा दहशतवादी संघटनेकडून एक व्हिडिओ जारी केला होता. जर बुलडोझर एक्शन अशीच सुरू राहिली तर हल्लेही सुरू राहतील त्यामुळे दहशतवाद्यांकडून आणखी टार्गेट किलिंग करण्याचा प्रयत्न केला जाऊ शकतो असे सांगितले जात आहे.
2019 मध्ये जम्मू काश्मीरातून कलम 370 हटवले होते तेव्हापासून पंचायत ते विधानसभा निवडणुकीपर्यंत काश्मीरात शांतता होती. पर्यटकांचीही गर्दी वाढली. स्थानिकांना रोजगार मिळाला. वंदे भारत श्रीनगरपर्यंत पोहचली. ज्याप्रकारे पाकिस्तानात अंतर्गत कलह सुरू आहे आणि दुसरीकडे काश्मीरात वातावरण सुधारत चालले आहे. त्यामुळेच काश्मीर मुद्याकडे लक्ष वेधण्यासाठी टार्गेट किलिंग करून धार्मिक तणाव निर्माण करण्याचा प्रयत्न पाकिस्तानने केला असं जेएनयूचे आंतरराष्ट्रीय विभागाचे प्रा.संदीप कुमार सिंह यांनी सांगितले.
