अजमेरमध्ये हॉटेलला आग : मुलासह चौघे जिवंत जळाले
अजमेर (1 मे 2025) : अजमेर शहरातून एक धक्कादायक बातमी समोर आली आहे. एका हॉटेलला लागलेल्या आगीत एका मुलासह चौघे जिवंत जळाले तर अनेक होरपळले आहेत. वेगाने पसरणार्या आगीत आणखी एक मुलगाही बळी पडल्यानंतर आईने त्याला उचलले आणि खिडकीतून खाली फेकल्याने त्याला किरकोळ जखमा आहेत.
गुरुवारी सकाळी आठ वाजताच्या सुमारास दिग्गी बाजारातील नाझ हॉटेलमध्ये आग लागली. काही वेळातच आग हॉटेलच्या पाचव्या मजल्यावर पोहोचली. हॉटेलमध्ये मोठ्या संख्येने यात्रेकरू थांबले होते. या लोकांनी खिडक्यांमधून उडी मारून आपले प्राण वाचवले.





जेएलएन मेडिकल कॉलेजचे प्राचार्य डॉ.अनिल सामरिया म्हणाले की, आठ जळालेल्या लोकांना तिथे आणण्यात आले. त्यापैकी चार जणांचा मृत्यू झाला. तिघांची प्रकृती गंभीर आहे. मृतांमध्ये एका मुलाचाही समावेश आहे.
रस्ता अरुंद आहे, बचावकार्य कठीण
हॉटेलपर्यंत पोहोचण्याचा रस्ता अरुंद आहे. त्यामुळे बचाव कार्यात खूप अडचणी येत आहेत. बचाव कार्यादरम्यान अनेक पोलिस कर्मचारी आणि अग्निशमन दलाच्या कर्मचार्यांची प्रकृतीही बिघडली. अतिरिक्त पोलिस अधीक्षक हिमांशू जांगिड आणि इतर पोलिस अधिकारी घटनास्थळी उपस्थित आहेत. हॉटेल पाच मजली आहे. आगीचे कारण शॉर्ट सर्किट असल्याचे सांगितले जात आहे.
