कोल्हापूर हादरले : दरोडेखोरांच्या हल्ल्यात पत्नीचा मृत्यू तर माजी उपसरपंच गंभीर
Kolhapur shaken: Wife dies in robbery attack, former deputy sarpanch critical कोल्हापूर (19 मे 2025) : माजी उपसरपंचाच्या घरात शस्त्रासह आलेल्या दरोडेखोरोंनी दाम्पत्यावर वार केल्याने पत्नीचा मृत्यू ओढवला तर माजी उपसरपंच गंभीर जखमी झाले. ही धक्कादायक घटना कोल्हापूर जिल्ह्यातील आजरा तालुक्यातील मडिलगेमध्ये रविवारी पहाटे घडली. दरोडेखोरांनी सुशांत गुरव यांच्या घरात दरोडा टाकत दहा लाखांची लूट केली.
दरोड्यानंतर कोल्हापूर जिल्ह्यात खळबळ
दरोडेखोरांच्या हल्ल्यात सुशांत गुरव जखमी झाले. दरोडेखोरांनी पूजा यांच्या गळ्यातील दागिने व रोख रक्कम लंपास केल्याची फिर्याद सुशांत गुरव यांनी आजरा पोलिसात दिली. पोलिसांकडून दरोडा की खून या अनुषंगाने तपास सुरू आहे.





पहाटेला सशस्त्र दरोडेखोरांनी घरामध्ये प्रवेश करत गुरव दाम्पत्याला मारहाण सुरू केली. यामध्ये पूजा यांच्या डोक्यामध्ये लोखंडी रॉडने प्रहार केल्याने पूजा जागीच ठार झाल्या. दरोडेखोरांच्या हल्ल्यात सुशांत गुरव जखमी झाले. दरोडेखोरांनी सुमारे साडेदहा लाखांची लूट केली. गुरव यांची दोन लहान मुले घरामध्येच झोपली होती. मात्र, दरोडेखोरांनी त्यांना काहीही केलेलं नाही.
बाथरुममध्ये बंदिस्त असलेल्या सुशांत गुरव बाथरूमचा दरवाजा मोडून बाहेर आले. एका दरोडेखोराने सुशांत यांनाही मारहाण केली. दरोडेखोर पळून जाताच सुशांत यांनी दोन्ही मुलांना घेऊन दारात येत आरडाओरड केली.
