Aunt’s love for nephew : Shocking truth revealed during police investigation न्युज डेस्क । नवी दिल्ली (21 मे 2025) : भाच्याचा प्रेमात आकंठ बुडालेल्या मामीने पतीची हत्या केली मात्र आरोप शेजारच्या बाप-लेकांवर लावला मात्र पोलिस तपासात हा प्रकार उघड झाल्यानंतर आरोपी पत्नीला व बॉयफे्रंड भाच्याला बेड्या लावण्यात आल्या.
कानपूरमध्ये पत्नीने पतीला मारहाण करून हत्या केल्याचं उघड झालं. कारण तिचं तिच्या भाच्यावर प्रेम होतं. तिला भाच्यासोबतच राहायचं होतं. पतीच्या हत्येनंतर पत्नीने शेजारी राहणार्‍या एका मुलावर आणि त्याच्या वडिलांवर आरोप करत खूप गोंधळ घातला होता. एवढंच नाही तर महिलेच्या समर्थनार्थ गावकर्‍यांनी आणि एका पक्षाच्या सदस्यांनीही आंदोलन केलं होतं. आता पोलिसांनी पत्नी आणि तिच्या बॉयफ्रेंडला अटक करून जेलमध्ये पाठवलं आहे. तसेच निष्पाप वडील आणि मुलाला जेलमधून सोडण्याची प्रक्रिया सुरू केली आहे.
हत्या करीत शेजारच्यांवर लावला आरोप
कानपूरमधील घाटमपूर येथे राहणारे ट्रॅक्टर मालक धीरेंद्रची 11 मे रोजी त्यांच्या घरात हत्या करण्यात आली. डोक्यावर एखाद्या कठीण वस्तूने वार करून ही हत्या करण्यात आली. हत्येनंतर दुसर्‍या दिवशी सकाळी, धीरेंद्रची पत्नी रीना रडू लागली आणि तिने गोंधळ घातला की तिच्या पतीची हत्या त्याच गावातील कीर्ती यादवने त्याच्या मुलासह केली आहे. या प्रकरणात रीनाने एका पक्षाच्या कार्यकर्त्यांनाही घटनास्थळी बोलावलं, त्यानंतर खूप गोंधळ घातला.
