हनीमूनला आलेल्या राजा रघुवंशीच्या हत्येचे गुढ एकलले : पत्नी सोनमसह तिघांना अटक

सोनम 20 मे रोजी राजा रघुवंशीसोबत हनिमूनसाठी इंदौरवरून गेली होती. मेघालयात फिरत असताना 23 मे रोजी अचानक बेपत्ता झाले. त्यानंतर 2 जून रोजी राजाचा मृतदेह सापडला आणि प्रकरणातील गुढ वाढले. पण, या सगळ्यामागे सोनमचं मुख्य सूत्रधार निघाली. राज कुशवाह नामक तरुणीशी सोनमचे अफेयर होते व त्यातून सोनमने सुपारी देवून ही हत्या घडवून आणल्याची सूत्रांची माहिती आहे.

शिलाँगमध्ये फिरत असताना सोनम राजाला निर्मनुष्य ठिकाणी घेऊन गेली. त्यावेळी तिच्यासोबत तीन जण होते. तिथे राजाची धारदार शस्त्राने हत्या करण्यात आली आणि मृतदेह दरीत टाकण्यात आला. हत्येच्या प्रकरणात आपल्यावर संशय येऊ नये म्हणून सोनमने तिच्या अंगावरील पांढरा शर्ट आणि पर्सही मृतदेहाशेजारीच टाकली होती. 23 मे रोजी राजाची हत्या केल्यापासून ती फरार होती.

पोलिसांनी दिलेल्या माहितीनुसार, सोनमने राजाची हत्या करण्यासाठी पैसे दिले होते. तीन जणांना पैसे देऊन शिलाँगमध्ये नेले होते. त्यांच्या मदतीनेच तिने राजाची हत्या केली. पोलिसांनी उत्तर प्रदेशातील गाजीपूर येथे सोनमला अटक केली. त्याचबरोबर या हत्या प्रकरणात सहभाग असलेल्या तिघांपैकी दोघांना अटक करण्यात पोलिसांना यश आले आहे. एक जण फरार आहे.

राजा रघुवंशी आणि सोनमचे 11 मे रोजी इंदौरमध्ये लग्न झाले होते. लग्नानंतर नऊ दिवसांनी म्हणजे 20 मे रोजी ते मेघालयात पोहोचले. 23 मे रोजी ते शिलाँगमधील नोंग्रियाट गावातील डबल डेकर लिव्हिंग रुट पूल बघण्यासाठी गेले होते. त्यानंतर बेपत्ता झाले. 24 मे रोजी त्यांनी फिरण्यासाठी भाड्याने घेतलेली स्कूटर पोलिसांना सापडली होती.