ट्रक जीपमध्ये अपघात : वधू-वरासह पाच जणांचा मृत्यू


Truck-jeep accident : Five people including bride and groom die जयपूर (11 जून 2025) : जयपूरमध्ये ट्रक आणि जीप यांच्यात भीशण अपघात घडला. या अपघातात वधू-वरासह पाच जणांचा मृत्यू झाला तर सहा वर्‍हाडी जखमी झाले. ही धडक इतकी भीषण होती की जीप चक्काचूर झाली.

मृतदेह वाहनात अडकले होते. खूप प्रयत्नांनंतरच त्यांना बाहेर काढता आले. बुधवारी सकाळी 6.10 वाजता दौसा-मनोहरपूर महामार्गावर (एनएच-148) रायसर (जयपूर ग्रामीण) परिसरातील भटकबास गावाजवळ हा अपघात झाला.






स्थानिकांच्या म्हणण्यानुसार, दोन्ही वाहनांची समोरासमोर टक्कर झाली. जीपमधील लोक लग्न समारंभाला उपस्थित राहून मध्यप्रदेशहून परतत होते. जखमींना निम्स रुग्णालयात दाखल करण्यात आले आहे.

रायसर पोलिस स्टेशनचे प्रभारी रघुवीर म्हणाले- अपघातानंतर महामार्गावर जाम झाला आणि गोंधळ उडाला. वर्‍हाडींची जीप मध्यप्रदेशहून मनोहरपूरला जात होती. जखमींचे जबाब घेतले जात आहेत. त्यानंतर कुटुंबातील सदस्यांना माहिती दिली जात आहे. काही गंभीर जखमींना एनआयएमएस रुग्णालयात दाखल करण्यात आले आहे.

स्थानिक लोकांकडून माहिती मिळताच पोलिस पथक घटनास्थळी पोहोचले. लोकांच्या मदतीने मृतदेह गाडीतून बाहेर काढण्यात आले.

 



मेहनत कर, मेहनत ! कॉपी पेस्ट करू नको !