नाशिक, पुण्यासह अहिल्यानगरातून 14 बुलेट चोरणारा ‘बुलेटराजा’ गुन्हे शाखेच्या जाळ्यात
चोरी केलेल्या 14 बुलेट जप्त : दोन आरोपींना अटक
‘Bullet Raja’ who stole 14 bullets from Nashik, Pune and Ahilyanagar caught by Crime Branch धुळे (1 जुलै 2025) : नाशिक, पुण्यासह अहिल्यानगरातून 14 बुलेट चोरी करणार्या ‘बुलेटराजा’ सह दोघा धुळे गुन्हे शाखेने अटक केली आहे. हर्षवर्धन गोकुळ सपकाळे (24, खर्दे, ता.शिरपूर) व किरण सुरेश कोळी (23, खर्दे, ता.शिरपूर) अशी अटकेतील आरोपींची नावे आहेत.
गोपनीय माहितीवरून कारवाई
धुळे गुन्हे शाखेचे वरिष्ठ पोलिस निरीक्षक श्रीराम पवार यांना हर्षवर्धन जगदाळे हा चोरीची बुलेट वापरत असल्याची माहिती मिळाल्यानंतर त्यास ताब्यात घेण्यात आले व चौकशीत त्याने साथीदाराचे नाव कबूल करीत त्याने सात लाख 60 हजार रुपये किंमतीच्या 14 बुलेट काढून दिल्या.
तीन जिल्ह्यात चोरी
आरोपींनी नाशिक रोड पोलिस ठाणे हद्दीतून चार, मुंबई नाका हद्दीतून तीन, भद्रकाली, सरकारवाडा व आडगाव हद्दीतून प्रत्येकी एक, हडपसर हद्दीतून दोन, पिंपळगाव व शिर्डी हद्दीतून प्रत्येकी एक बुलेट जप्त करण्यात आली.
यांनी केली कारवाई
ही कारवाई धुळे पोलिस अधीक्षक श्रीकांत धीवरे, अपर पोलिस अधीक्षक किशोर काळे यांच्या मार्गदर्शनाखाली धुळे गुन्हे शाखेचे वरिष्ठ पोलिस निरीक्षक श्रीराम पवार, संजय पाटील, प्रशांत चौधरी, राहुल गिरी, कमलेश सूर्यवंशी, जगदीश सूर्यवंशी, हर्षल चौधरी, गुलाब पाटील आदींच्या पथकाने केली.
