Bag full of notes! Minister Sanjay Shirsat in trouble with viral video मुंबई (11 जुलै 2025) :मंत्री संजय शिरसाट एका व्हायरल व्हिडीओमुळे वादाच्या भोवर्‍यात अडकले आहेत. व्हायरल व्हिडीओमध्ये संजय शिरसाट यांची बेडरूम दिसत आहेत. त्याठिकाणी एक मोठी बॅग ठेवण्यात आली असून ही बॅग पैशांनी भरलेली आहे. विरोधकांनी या व्हिडिओवर रान उठवले असून शिरसाट यांनी मात्र ती कपड्यांची बॅग असल्याचे म्हटले आहे.
मंत्र्यांच्या वाढल्या अडचणी
मंत्री हॉटेलमध्ये पैशांच्या बॅगा घेऊन बसले आहेत, असे म्हणत खासदार संजय राऊत यांनी एक व्हिडीओ पोस्ट केला. या व्हिडीओमध्ये मंत्री संजय शिरसाट असल्याचा दावा करण्यात येत आहे त्यामुळे राजकीय वर्तुळात या व्हिडीओवरुन जोरदार चर्चा सुरु झालीय. मात्र आता संजय शिरसाट यांनी ती बॅग कपड्यांची होती असे स्पष्टीकरण दिले आहे.
तर कपाटे काय मेली आहेत : शिरसाट
व्हिडिओमध्ये माझं घर आहे. बेडरूममध्ये मी बनियन वर बसलेलो आहे आणि एक बॅग तिथे ठेवलेली आहे. याचा अर्थ असा होतो की मी कुठून तरी प्रवासातून आलो आहे. अरे मूर्खांनो एवढी मोठी पैशांची बॅग जर ठेवायची असती तर कपाटं काय मेली आहेत का? नोटांनी भरलेली बॅग मी आल्याबरोबर कपाटात ठेवली असती ना. परंतु यांना कपड्याची बॅगसुद्धा नोटांची बॅग दिसत आहे. यांना पैशांशिवाय दुसरं काही दिसत नाही, असं संजय शिरसाट म्हणाले.
